乘意

Open Now

Now Closed

其實好少喺呢個場搵食，咁啱路過又有位就入去試下，有驚喜喎。平時食西餐， 上到枱面頂多係暖，但佢全部都係熱辣辣咁上枱。似乎廚師鐘意蒜味，所以個香辣蕃茄大蝦意粉只係微辣，但就好香蒜味。煎比目魚意粉配檸檬忌廉汁，魚煎得夠香而不油膩。不過件魚就細左少少，大返啲就好喇。美國牛肉漢堡，漢堡扒唔會乾，有肉汁，麵包有香氣。至於薯條，又係熱辣辣但唔乾，唔係炸完又炸嗰啲。價錢都ok，兩個意粉都係晚餐，80幾蚊有湯有飲品。另外值得一讚嘅係侍應好有禮貌，做嘢爽手。餐廳雖然細左啲，不過性價比譏，乾淨企理。