Video
Read full review
2015-08-04
1005 views
已經好耐無去熟食街市食嘢，至少有十幾年無去。尤其係夏天30幾度，怕熱嘅我，真係頂唔順。今日受朋友所託，襯lunch 去皇后街熟食街市曾記賣馳名嘅潮洲粿，諗住買完速速逃離現場。都ok啦。點知一去到街市， 冷氣涼浸浸， 好舒服，地下乾爽，環境乾淨。lunch時間雖然人多，但唔算擠迫。幫朋友買完粿之後，突然眼角掃射到有檔賣豬紅、豬什。 心思思試下。叫咗一碗淨豬紅豬什，大大碗， 有豬紅、粉腸、豬肺、豬肚等等。一上枱，麻油味撲鼻，加埋唐芹碎，好香。啖湯好甜，煮嘅火候啱啱好，豬什豬紅一d都唔「鞋口」， 又無豬騷味， 最出色係粉腸，無雪味無苦味， 仲有鮮豬肉味，食得出係用新鮮豬腸。好食過嗰d咩記物記幾十蚊一碗粉腸粥多多聲。$30大大碗，物超所值。果然幫人，好心有好報。
已經好耐無去熟食街市食嘢，至少有十幾年無去。
尤其係夏天30幾度，怕熱嘅我，真係頂唔順。
今日受朋友所託，襯lunch 去皇后街熟食街市曾記賣馳名嘅潮洲粿，諗住買完速速逃離現場。都ok啦。
點知一去到街市， 冷氣涼浸浸， 好舒服，地下乾爽，環境乾淨。lunch時間雖然人多，但唔算擠迫。
幫朋友買完粿之後，突然眼角掃射到有檔賣豬紅、豬什。 心思思試下。
叫咗一碗淨豬紅豬什，大大碗， 有豬紅、粉腸、豬肺、豬肚等等。
一上枱，麻油味撲鼻，加埋唐芹碎，好香。
啖湯好甜，煮嘅火候啱啱好，豬什豬紅一d都唔「鞋口」， 又無豬騷味， 最出色係粉腸，無雪味無苦味， 仲有鮮豬肉味，食得出係用新鮮豬腸。好食過嗰d咩記物記幾十蚊一碗粉腸粥多多聲。
$30大大碗，物超所值。
果然幫人，好心有好報。
Post
