School Food (Closed)

久唔久我就會周圍遊，睇下有咩抵野食，今日就比我發現左 School Food 既午市套餐原來都幾抵食，係門口睇睇個餐牌就入左去坐低了。午市套餐跟一款小食、一個主菜、餐飲同水果杯，小食我叫左蟹柳芝士蛋捲，而主菜就叫左半月島韓式拌飯。主菜份量都幾大碟下，蛋都整得幾滑唔會整到好硬，不過可惜個飯松露醬味道唔夠濃，食落口好淡所以有點失色，小食就真係好普通，最後就係果個水果杯，開頭以為係好似一 D 啫喱甜品咁樣，點知一上到枱我笑咗一笑，深深體會到原來現實同幻想真係好有分別。。。。。。哈哈。