泰皇悅 (Closed)

今日寶貝突然打比我話約開飯~我緊係奉陪啦~心中立即諗到想試問呢間泰國野~就決定黎呢間~!可能時間尚早,所以唔洗等位,仲可以自己揀坐邊到~正~一坐下就即時點餸~難得寶貝吹鷄,當然係由佢拍板啦~寶貝們唔食得辣,所以今餐清清地~生菜包 - 好新鮮的生菜,好入味的豬肉粹~可能因為唔辣的關係,所以少左份惹味感~菠蘿炒飯 - 好味~好香好夠料的炒飯~份量真係好多~唔會欺場~!飯粒混合左菠蘿肉,酸酸甜甜,水準之作煎蚝蛋餅 - 用鉄板上枱,炸炸聲,睇到都開心~而且蚝肉份量好多又大粒~蛋皮好有質感~唔似係加左豆粉水~正~泰式拼盤 - 一般魚餅蝦餅都有~仲有春卷,豬肉卷,個樣好似差唔多~但各有味道~魚餅有魚味,蝦餅有蝦味,唔會炸完唔知食緊乜,上枱仲係熱騰騰,唔會有炸起好耐的感覺炒通菜 - 好保守的款式,唔知係油定係水太多~感覺炒得肥膩左少少一邊傾一邊食,全場唔算好多人~但坐座無虛席!總括黎講.真係唔錯~ 值得再去試佢的咖哩系列~