Video
Read full review
2015-02-02
1295 views
出入中環既迷途小書童我，開通左新既堅尼地城站，竟然未去過，梗係唔得啦。今晚約埋女皇走左去行一行。一出站，默然回首，燈火下，見到個咁大咁好位置既屋苑，心中暗妖，行過少少，妖左出聲，＂觀龍樓 （Ｈ）＂，咁很好位置竟然係屋栛樓。行下行下，去到海邊，吹吹風，真係好靜，無乜人。行到＂愛浪漫＂既女皇開始皺起ＥＹＥＢＯＷ，開始有啲唔對路，係時候去搵掟坐下填下肚，行返去附近搵食。附近有啲ＢＡＲ ＆ ＲＥＳＴＡＵＲＡＮＴ，幾有ＳＯＨＯ感覺。行行下，瞄到有間野入面有個大石爐，幾有ＦＥＥＬ，女皇開始睥住我，咁仲等咩呀！入去啦。哦！意大利菜！想當年大學畢業旅行，其實只係幾年前，去左歐洲打個轉，第一站就係意大利羅馬，的確係一個好正既地方，可惜係我當年係窮遊，無乜點食過啲地道菜。不過印象中既ＰＩＺＺＡ係好過咩比薩小屋好多。一坐底，個虎烏楊就幢左個牌係我同女皇前面，當堂嚇一跳！做咩唧你。原來係想話我知ＴＯＤＡＹ ＳＰＥＣＩＡＬ，張張枱既客都無一幸免。我最唔中意煩，女皇又唔話事，咁我問一問虎烏楊有咩撚手，就話ＡＦＦＥＴＴＡＴＩ正、ＰＩＺＺＡ ＭＥＡＴ ＬＯＶＥＲ新、ＰＡＮＺＡＮＥＬＬＡ ＳＡＬＡＤ清。就咁啦！留意返丫
行下行下，去到海邊，吹吹風，真係好靜，無乜人。
行到＂愛浪漫＂既女皇開始皺起ＥＹＥＢＯＷ，開始有啲唔對路，係時候去搵掟坐下填下肚，行返去附近搵食。附近有啲ＢＡＲ ＆ ＲＥＳＴＡＵＲＡＮＴ，幾有ＳＯＨＯ感覺。行行下，瞄到有間野入面有個大石爐，幾有ＦＥＥＬ，女皇開始睥住我，咁仲等咩呀！入去啦。
哦！意大利菜！想當年大學畢業旅行，其實只係幾年前，去左歐洲打個轉，第一站就係意大利羅馬，的確係一個好正既地方，可惜係我當年係窮遊，無乜點食過啲地道菜。不過印象中既ＰＩＺＺＡ係好過咩比薩小屋好多。
一坐底，個虎烏楊就幢左個牌係我同女皇前面，當堂嚇一跳！做咩唧你。原來係想話我知ＴＯＤＡＹ ＳＰＥＣＩＡＬ，張張枱既客都無一幸免。我最唔中意煩，女皇又唔話事，咁我問一問虎烏楊有咩撚手，就話ＡＦＦＥＴＴＡＴＩ正、ＰＩＺＺＡ ＭＥＡＴ ＬＯＶＥＲ新、ＰＡＮＺＡＮＥＬＬＡ ＳＡＬＡＤ清。就咁啦！
留意返丫，去ＢＡＲ 係要飲下野，尤其食熱氣野，黎到意大黎餐廳梗係試下意大利野，黎左個ＰＲＯＳＥＣＣＯ。幾易入口，都幾百搭，襯咩食都可以。
上菜！
首先，黎左個ＳＡＬＡＤ。幾新鮮，酸酸地，易入口，幾開胃。
之後黎個ＡＦＦＥＴＴＡＴＩ。佢有４隻唔同既肉，本將軍只係粗人一個，咁專業既名佢講一次我梗係唔記得啦。由要淺色嗰塊開始，順時針咁食，虎烏楊話係因為口味應該由淺到重咁食。淺色嗰塊係有開心果肉。之後嗰塊係最常食吧。然後係２８年既，唔太咸，比一般既ＨＡＭ清。最後係面豬登肉，真心，之嗰啲同Ｅ塊真係唔同層次。嫰、滑、有肉味，不言而喻，我都食得出係好野。
最後ＰＩＺＺＡ ＭＥＡＴ ＬＯＶＥＲ，係薄ＰＩＺＺＡ。其實唔使試都知係正野，你睇個爐，你睇個ＳＩＦＵ我食咁耐佢燒咁耐，邊有得輸。佢個ＢＢＱ ＳＡＵＣＥ係佢既靈魂，令到個餅好ＪＵＩＣＹ。個虎烏楊話黎左Ｄ新ＢＥＥＲ，ＡＬＯＨＡ！ＤＲＹ飲就點都係藍妹係王道，但係有Ｄ荔枝味，食住ＰＩＺＺＡ飲都ＯＫ。ＪＯＬＬＹ ＳＡＮＤＹ咁。
點知女皇話飽到ＨＩＨＩ，叫我食埋佢。搵笨。我諗啲野叫多個人黎食都仲得。
最後仲要黎個ＴＩＲＭＩＳＵ，問咩呀，你夠膽問女皇頭先點解話飽，宜家又要叫多個，將軍３思呀，女人有２個胃是常識吧。我直腸直肚，好食就係好食，唔好食就算女皇迫我我都係唔食，女皇係知架。個ＴＩＲＭＩＳＵ係好食既，淡淡既酒味，濃得黎味道均暈，又唔太甜。本將軍係好少食甜品。哈哈。
終於食完，十點。走得未呀女皇。係。十點係好早。但係係堅尼地城呀。你知我住塞北邊疆架啦。係時候要解甲，比條路丫。
真心係幾好食，價錢都可以，但係老老豆豆真係有啲遠，開左港鐡都係咁話。有機會經過先再覆桌啦！
Post
