Video
Read full review
2012-07-12
24 views
尋(11-7-2012 Wed)日男友休假,原本想o係我放工後一齊去睇戲,但最後決定唔睇,於是變o左出去食飯.同佢約o係荃新天地等,我去到o岩o岩見到呢間,睇吓餐牌,o野食唔貴,再睇環境,雖然細間,但啲位好似好舒服,咁決定呢間啦.我o地坐低後睇menu都用o左幾多時間,原本我想叫套餐,但男友提議散叫,好啦,我o地要o左:1. $49.00o既比卡多燒雞(半隻)Menu介紹呢個係微辣帶香甜,以橄欖油配製.呢個係食物中第三樣到o黎,size好細,係半隻春雞,呢隻真係微辣帶甜,係幾好食,不過汁就真係好少.2. $39.00o既紅綠吞拿魚烤薄餅(兩件)係食物中第二樣到o黎,.睇見佢有啲燶,唔緊要.拎上手,薄都算,啲粟米粒係咁跌落o黎,食落,奇怪,我竟然食到啲羶味,呢個口感有啲乾,而餅上o既材料少之餘亦食唔到味道,粟米粒一啲都唔甜.3. 要o左紅綠吞拿魚烤薄餅(兩件)只加$10.00就有o既蕃茄意式燴飯呢個係食物中第一個到o黎,份量好少,只有一碗仔,真係估唔到.飯煮到好軟熟同濕,微酸帶啲甜.4. 男友要o既熱帶三點色係士多啤梨+蜜桃+菠蘿,原價$22.00,但唔知咩事會變成$8.00o既套餐價.
同佢約o係荃新天地等,我去到o岩o岩見到呢間,睇吓餐牌,o野食唔貴,再睇環境,雖然細間,但啲位好似好舒服,咁決定呢間啦.
我o地坐低後睇menu都用o左幾多時間,原本我想叫套餐,但男友提議散叫,好啦,我o地要o左:
1. $49.00o既比卡多燒雞(半隻)
Menu介紹呢個係微辣帶香甜,以橄欖油配製.
呢個係食物中第三樣到o黎,size好細,係半隻春雞,
呢隻真係微辣帶甜,係幾好食,不過汁就真係好少.2. $39.00o既紅綠吞拿魚烤薄餅(兩件)
係食物中第二樣到o黎,.睇見佢有啲燶,
唔緊要.拎上手,薄都算,啲粟米粒係咁跌落o黎,食落,奇怪,我竟然食到啲羶味,呢個口感有啲乾,而餅上o既材料少之餘亦食唔到味道,粟米粒一啲都唔甜.3. 要o左紅綠吞拿魚烤薄餅(兩件)只加$10.00就有o既蕃茄意式燴飯
呢個係食物中第一個到o黎,份量好少,只有一碗仔,真係估唔到.
飯煮到好軟熟同濕,微酸帶啲甜.4. 男友要o既熱帶三點色
係士多啤梨+蜜桃+菠蘿,原價$22.00,但唔知咩事會變成$8.00o既套餐價.
而最先到o既就係呢杯同下面o個杯飲品.
我未睇清楚男友呢杯有咩o野料時試吓,飲到少少苦味.睇真menu後再試,又好似試到有菠蘿味,不過感覺怪怪地咁.5. 我要o既莓子集薈
原來上面變o左套餐後加$10.00就有,呢個係藍莓+士多啤梨+士多啤梨雪糕.
我呢杯o黎到後睇睇,點解冇士多啤梨雪糕o既?
以我o既理解,應該有個雪糕球o係上面吧,問問女侍應,佢答攪勻o左.啊,試吓先,嘩!味道好怪喎,有啲難飲,亦感受唔到雪糕o既存在.
6. 唔知咩o野意粉
我o地都唔知有,女侍應拎到o黎時話係跟餐,我印象中同男友決定叫o野食後,比卡多燒雞係冇加o野,o衣o家睇返張單,原來佢o地將比卡多燒雞打成燒雞套餐,收$59.00,呢個意粉就係加o左$10.00.我唔知男友出去畀錢落單時同收銀討論過啲乜,攪到變o左兩個套餐返o黎,但佢都好似唔知會攪成咁,因為佢都唔知有意粉o黎,到底係店員誤導定男友胡裡胡塗地應承要o左?我就真係唔知.
意粉份量比蕃茄意式燴飯多,
不過點解o係我o地乾哽o個半隻雞o既時候至o黎?而呢個係咩o野意粉?試吓先,辣o既,男友話佢都覺得辣到過o左啲火;我又試吓,係辣,只有黑椒o既辣就冇其他味道.又o衣o家睇返menu,呢個唔係咩o野香濃南瓜意大利粉吧?
我o地食完份量咁細o既o野食後,覺得唔係幾夠,男友話搵過第二o度食多少少o野.唉!一個晚飯要分兩次食,真係奇.
呢餐埋單$126.00,冇加一,唔怪得質素麻麻啦.
Post
