Panino Giusto (Closed)

又到星期日，梗係要行下街，今日去咗 IFC 呢個高級商場，八卦一下 iPhone x 賣成點，八完之後搵嘢食，行行吓見到玻璃櫃內有不少意大利風乾火腿吊響度，原來是一家有名堂的意大利三文治店，二星級大廚唔去做高級餐廳反而做三文治店，真有性格。兩個人就是兩款三文治、兩杯咖啡，米蘭風格的火腿芝士多士 Toast Classico 外表真係比我們的漂亮，不愧為時裝大國，外表有焦香坑紋，芝士火腿餡料一層層非常豐富咁嘅樣，食落個包夠脆，尤其火腿味道特別好，意大利風乾火腿真係零舍唔同！朋友食大廚招牌三文治之中嘅一款－Madras，材料係烤火雞胸，招牌的確唔同，未食過又香又滑的火雞肉，最特別是黃色的咖喱醬，比之前嗰款貴＄20都值。咖啡就冇乜點，冇話特別香但都唔錯。我哋後來傾計口乾叫多壺紅莓果茶，茶壺好靚啲茶都香。