Primo (Closed)

呢間新開嘅意大利餐廳樓高兩層，樓下係吧台同二人位，樓上就主要係四人以上座位，坐得幾舒服之餘又唔逼。樓下吧檯隔離係個焗pizza嘅焗爐，設計到成個太空艙咁，好有特色。墨西哥雞肉香腸Pizza呢個pizza餅底幾脆，以番茄醬加芝士做底，面上鋪滿紅椒、青椒、雞肉、辣肉腸，鹹辣味道之中尤以辣味較重，對我來講係偏辣，食左幾啖就要飲返啖水中和下。同埋佢都落左好多橄欖，除辣味以外最突出就係橄欖味，呢樣有d似以前係意大利食過嘅pizza。西班牙辣蒜海鮮意粉海鮮有青口、魷魚、蝦仁，辣蒜醬汁之中加入了白酒、檸檬汁去，食落有蒜嘅惹味之餘略有點點清新，比起pizza，呢個意粉辣度嘅係微辣，比較合我口味。榛子醬芝士蛋糕芝士蛋糕嘅芝士並唔係平時cheesecake個種較硬身嘅質感，而係貼近cream嘅鬆軟，芝士外面塗上了榛子醬，榛子芝士嘅配搭不太常見，呢種嘅鹹甜配搭，口感不膩，真係好好食！