Video
Read full review
2018-06-21
73 views
最近想食返餐好d西式晚餐，問d係中環返工既朋友推介呢間新開既意大利餐廳，地點位於中環蘇豪區，成個區域都好有情調。餐廳裝潢非常有格調，好適合情侶黎撐枱腳，不過收工黎食飯飲酒都好岩feel。坐低就先上左d意大利麵包條，麵包條可以點橄欖油或者意大利Balsamic Vinegar，我自己就中意兩樣撈埋。黎食西餐當時要配返酒，餐廳推薦一隻sparkling wine Prosecco Valdobbiadene Superior DOCG，飲落好fresh好開胃。Appetizer我地叫左Bruschetta同Grilled Tomino Cheese。Bruschetta係烘麵包上面加上番茄碎同埋d香料既一道菜，麵包好鬆脆 加上番茄酸酸甜甜好開胃，聽講係意大利地道既前菜。Grilled Tomino Cheese係烤芝士，tomino cheese圓碌碌一舊好過癮，表面係烤過既，有烤過既香味，咬落去中間軟腍腍，呢種芝士味道唔算濃，配合埋麵包食好岩key。Pasta方面我地叫左Spaghetti Petto，個Petto Sauce 係佢地餐廳自家home made配方再加上唔同香料同埋蒜頭，
餐廳裝潢非常有格調，好適合情侶黎撐枱腳，不過收工黎食飯飲酒都好岩feel。
坐低就先上左d意大利麵包條，麵包條可以點橄欖油或者意大利Balsamic Vinegar，我自己就中意兩樣撈埋。黎食西餐當時要配返酒，餐廳推薦一隻sparkling wine Prosecco Valdobbiadene Superior DOCG，飲落好fresh好開胃。
Appetizer我地叫左Bruschetta同Grilled Tomino Cheese。
Bruschetta係烘麵包上面加上番茄碎同埋d香料既一道菜，麵包好鬆脆 加上番茄酸酸甜甜好開胃，聽講係意大利地道既前菜。
Grilled Tomino Cheese係烤芝士，tomino cheese圓碌碌一舊好過癮，表面係烤過既，有烤過既香味，咬落去中間軟腍腍，呢種芝士味道唔算濃，配合埋麵包食好岩key。
Pasta方面我地叫左Spaghetti Petto，個Petto Sauce 係佢地餐廳自家home made配方再加上唔同香料同埋蒜頭，意粉夠晒味，每一啖都有濃郁香味，份量亦都夠多。
必食既Hot Stone Steak 我地揀左Medium rare既Rib Eye，牛扒上枱既時候即刻香氣四溢，牛肉中間仲係粉紅色既程度，個牛扒配上四個醬，當中黑松露醬我最中意，點少少已經好夠味。牛扒本身肉味濃郁，非常嫩，脂肪比例岩岩好，抵食。配上餐廳推介既紅酒，完美。
最後甜品係意大利Tiramisu，冇得輸。
Post
