Video
Read full review
2022-09-30
155 views
曾經認識一位紫微斗數師傅，但佢心術不正，多多少少令我對紫微斗數有D影響.我都知唔關玄學事關人事，無計!我都係人嘛! 所以將紫微斗數推至近年先接觸，接觸過之後又覺得幾有趣，於是今次約咗位紫微小師妹出嚟指教吓.雖然佢比我年紀細好多，但紫微學識不少，人不可貌相，睇佢外表亦唔似紫微高手添!再加上小師妹免針紙去到10月初，爭取時間見面食飯吧!強烈要求政府取消什麼通行証同限聚令! 挽救水深火熱中嘅食巿餐廳!搵師妹指教，當然食好D，食好西，於是去咗銅鑼灣 The Grill Room，貪佢夠格調.點咗黑菘露薯條，燒澳洲帶骨豬扒配香矛芥末籽忌廉汁，帶子龍蝦汁扁意粉，是日餐湯係磨菇湯.每次嚟幫襯，是日餐湯都係磨菇湯，嚴格嚟講係磨菇蓉，所以味道特別濃郁而且磨菇味非常重.自從拒絕幫襯老麥，都已經好耐無食過薯條，The Grill Room 嘅薯條非常脆口，咁..... 同小師妹食飯緊係食D高質薯條啦!燒澳洲帶骨豬扒係厚切，熟嘅情度剛剛好，餐刀切落去嘅感覺已經好正，肉嫩Juicy，識食緊係食帶骨部份，極之嫩口.龍蝦汁扁意粉彈牙，龍蝦汁夠香濃，帶子係原隻大大隻無一開二切開，味道鮮甜，之前幫襯都係食牛扒同豬腩，今
我都知唔關玄學事關人事，無計!我都係人嘛! 所以將紫微斗數推至近年先接觸，接觸過之後又覺得幾有趣，於是今次約咗位紫微小師妹出嚟指教吓.
雖然佢比我年紀細好多，但紫微學識不少，人不可貌相，睇佢外表亦唔似紫微高手添!
再加上小師妹免針紙去到10月初，爭取時間見面食飯吧!
強烈要求政府取消什麼通行証同限聚令! 挽救水深火熱中嘅食巿餐廳!
搵師妹指教，當然食好D，食好西，於是去咗銅鑼灣 The Grill Room，貪佢夠格調.
點咗黑菘露薯條，燒澳洲帶骨豬扒配香矛芥末籽忌廉汁，帶子龍蝦汁扁意粉，是日餐湯係磨菇湯.
每次嚟幫襯，是日餐湯都係磨菇湯，嚴格嚟講係磨菇蓉，所以味道特別濃郁而且磨菇味非常重.
自從拒絕幫襯老麥，都已經好耐無食過薯條，The Grill Room 嘅薯條非常脆口，咁..... 同小師妹食飯緊係食D高質薯條啦!
燒澳洲帶骨豬扒係厚切，熟嘅情度剛剛好，餐刀切落去嘅感覺已經好正，肉嫩Juicy，識食緊係食帶骨部份，極之嫩口.
龍蝦汁扁意粉彈牙，龍蝦汁夠香濃，帶子係原隻大大隻無一開二切開，味道鮮甜，之前幫襯都係食牛扒同豬腩，今次食意粉同樣出色，掛住吹水唔記得影相添....
話題未傾完好快又到成十點幾，阻住人收工添真係唔好意思，約咗下星期再續!
Post
