Video
Read full review
2018-07-22
58 views
Happy Friday, 老公又黎接收工一齊去朋友介紹既意大利餐廳~朋友們話呢到好高質, 岩晒我地黎想當年~ 因為我地係意大利拍拖有好多回憶..一入去就見到好大個bar area仲有幾張high table已經有人飲緊野, 我地就被帶去dining area坐低, 老公叫左兩杯prosecco先, 然後我地再睇下食咩好~頭盤我地叫左一份bruschetta, 同一份beef tartar! Bruschetta既蕃茄係一座小山咁, 睇見都開心, 佢調味調得岩岩好, 一啖又一啖, 好食!Beef tartar既份量都唔少喎, 如果多個人食都無問題, 佢好新鮮, 入口好香牛味, 唔會有渣有筋, 我地放左少少Bruschetta既蕃茄落去一齊食, 佢本身有啲洋蔥味, 所以夾埋就好似食緊burger咁, 哈哈~ 頭盤已經有好高評價啦! 之後main course我地叫左我既最愛Lasagna , 芝士好香, 好滑, 一啖入口所有香味都一齊湧晒出黎, 呢個份量呢個味道我完全可以自己一個食晒一碟啊! 必點啊! 老公仲簡左款red黎配我地既main course添~我地係意大利既回憶又點少得Piz
一入去就見到好大個bar area仲有幾張high table已經有人飲緊野, 我地就被帶去dining area坐低, 老公叫左兩杯prosecco先, 然後我地再睇下食咩好~
頭盤我地叫左一份bruschetta, 同一份beef tartar! Bruschetta既蕃茄係一座小山咁, 睇見都開心, 佢調味調得岩岩好, 一啖又一啖, 好食!
Beef tartar既份量都唔少喎, 如果多個人食都無問題, 佢好新鮮, 入口好香牛味, 唔會有渣有筋, 我地放左少少Bruschetta既蕃茄落去一齊食, 佢本身有啲洋蔥味, 所以夾埋就好似食緊burger咁, 哈哈~ 頭盤已經有好高評價啦!
之後main course我地叫左我既最愛Lasagna , 芝士好香, 好滑, 一啖入口所有香味都一齊湧晒出黎, 呢個份量呢個味道我完全可以自己一個食晒一碟啊! 必點啊! 老公仲簡左款red黎配我地既main course添~
我地係意大利既回憶又點少得Pizza~ 我地就叫左最classic 既Marherita! 佢地蕃茄醬好香好香, 食到蕃茄本身既鮮甜味, 加埋芝士真係不得了! 呢個pizza size都係三個人食都可以。
因為老公仲未飽所以我地就叫多左一份steak, 佢on side配左balsamic vinegar, extra virgin olive oil with truffle, extra olive oil with garlic lemon juice and herbs, 仲有extra virgin olive oil with hot sauce 侍應好細心咁提醒我地係用hot stone上所以要小心唔好燙到手~介紹埋4款sauce比我地。我同老公都覺得truffle & hot sauce最好味, 不過整體黎講比較淡, 所以我地都點左鹽黎吊吊味。
最後又點少得甜品呢, 因為老公唔好甜食, 所以只係叫左一個tiramisu, 佢menu 有好多新奇口味既tiramisu好似芒果士多啤梨菠蘿咁, 但我都係stick with傳統既原味~ 食落唔會太甜, 有咖啡既苦, 又夠濕潤, 係一個會令人滿足既甜品!
我地當日好似撞正有event, 有少少嘈, 比較難傾到計, 下次會簡星期四去, 朋友話仲有live band添啊~~~
Post
