La Mensa Grill & Bar (Oasis Place)

Open Now

Now Closed

一天放工，行經oasis, 見到盡頭門口擺滿台櫈，行埋睇睇，原來開左間新餐廳，望望menu , 都有唔粉選擇。於是搵左周未晚去試一試，餐廳環境都好寛落，都可容納不少食客，裝修簡潔，前面高掛大電視，睇波一流，一進入餐廳有個Drink Bar 係餐廳後面。 可能岩岩先營業，侍應得外籍人士，所以只可講英文。當然佢地menu 有中英兌照，方便英文不太靈光的食客，又或者遲下會請返本地中英都冇問題既年輕人👍🏻👍🏻。我地兩個人叫左個小食和主菜，小食係韓式炸雞翼，唔知係唔係當時好肚餓，熱辣辣既雞翼覺得非常好味，撒上黑醋醬，邊上方有辣既韓式醬，雞翼外皮非常脆口， 內里肉質亦好柔嫩juicy. 主菜就叫左prime ribeye steak, 配上新鮮沙律菜和又厚又粗又長既薯條，內眼扒size 非常巨大， 成寸厚，兩人食非常足夠，肉質非常軟熟，應該係medium cooked, 但非常易切，入口咬又鬆，一d都唔鞋口，又充滿肉汁和濃郁既rosemary 香草味，而且價錢相當合理，值得一試。