Plato Cafe & Bistro (彌敦道) (Closed)

今次黎Plato，一開始俾Openrice優惠吸引，但後來上到黎發現食Dinner set仲抵，所以叫左Dinner Set。（上到黎發覺用唔到主菜半價優惠都有少少心有不甘，但叫餐抵食啲又。）環境方面，我會話係普通西餐廳，氣氛普通，又唔係話光猛，又唔係話暗到好有氣氛咁。最舒服就係可以安排坐窗口位，望住彌敦道既街景—不過人唔多，所以坐得舒適外，同朋友普通傾計都舒服。食物方面，我地叫左個西冷牛扒餐同芝士野菌黑松露意大利食飯，就包餐湯+蒜蓉包+飲品。湯同包都幾可以：俾西冷牛扒，唔算好驚喜：夠熱，肉質都有口感，夠香：黑松露芝士野菌意大利飯，有幾塊芝士係上面，好香芝士味，但唔會咸，奶味都偏淡，黑松露比芝士味更香﹗總括黎講，食物都可以，街景有加分。