Video
Read full review
2019-04-26
108 views
今日駕車去沙田游車河🚗經過呢間餐廳🍴比個名吸引左注意⚠️〔原本以為係BMW M3既餐廳😂〕原來係食意大利菜🇮🇹一入到去就好覺得好有格調，我地平日七點鐘左右食，人流唔算多，好安靜既環境，好舒服！侍應既服務態度也好好，穿著統一既制服，比人一種好專業既感覺。總共叫左兩個餐，再+$60轉左2個套餐套餐組合〔是日餐湯、凱薩沙律/田園沙律、焦糖燉蛋/藍苺奶凍〕-*留意返：淨係星期一到星期五既晚市先可以升級至套餐架！是日餐湯係忌廉蘑菇湯〔配餐包〕蘑菇味十足，湯既濃稠度剛剛好，而餐包非常軟熟，裡面還有一點黑芝麻，沾湯食十分好味！-〔另外侍應仲有特別吩咐我們可以試下沾少少枱面上既油，可以增添風味！〕套餐外我地仲叫多左兩杯飲料🥤-藍橘子青檸梳打（左邊👈）$38青檸梳打中檸檬🍋既酸味，撞上藍橘子🍊少少清甜既味道，橘子既香味令到成杯飲品更加清新！係一杯唔會好單調既青檸梳打！-夏威夷菠蘿梳打（右邊👉）$38我無諗過呢杯既顏色竟然係藍色漸變，好特別！最特別既係呢杯飲品既漸變色，當你攪勻之後會慢慢由藍色轉變為綠色，玩得好過癮！菠蘿🍍既味道好甜，裡面仲有雜果同椰果，可以食又可以飲，不錯👍🏻！套餐既沙律🥗〔凱撒沙律&田園
一入到去就好覺得好有格調，我地平日七點鐘左右食，人流唔算多，好安靜既環境，好舒服！侍應既服務態度也好好，穿著統一既制服，比人一種好專業既感覺。
總共叫左兩個餐，再+$60轉左2個套餐
套餐組合〔是日餐湯、凱薩沙律/田園沙律、焦糖燉蛋/藍苺奶凍〕
-
*留意返：淨係星期一到星期五既晚市先可以升級至套餐架！
是日餐湯係忌廉蘑菇湯〔配餐包〕
蘑菇味十足，湯既濃稠度剛剛好，而餐包非常軟熟，裡面還有一點黑芝麻，沾湯食十分好味！
-
〔另外侍應仲有特別吩咐我們可以試下沾少少枱面上既油，可以增添風味！〕
套餐外我地仲叫多左兩杯飲料🥤
-
藍橘子青檸梳打（左邊👈）$38
青檸梳打中檸檬🍋既酸味，撞上藍橘子🍊少少清甜既味道，橘子既香味令到成杯飲品更加清新！係一杯唔會好單調既青檸梳打！
-
夏威夷菠蘿梳打（右邊👉）$38
我無諗過呢杯既顏色竟然係藍色漸變，好特別！最特別既係呢杯飲品既漸變色，當你攪勻之後會慢慢由藍色轉變為綠色，玩得好過癮！菠蘿🍍既味道好甜，裡面仲有雜果同椰果，可以食又可以飲，不錯👍🏻！
套餐既沙律🥗〔凱撒沙律&田園沙律〕
極度推薦：凱薩沙律🥗
凱薩沙律上面仲有一塊薄薄既蒜蓉包，同一片芝士脆脆！另外仲有好多芝士粉同煙肉粒，配菜中有酸蕎頭，非常特別！！
芝士脆脆非常好食，脆身，食落勁香芝士味～滿分💯
田園沙律🥗十分清新，建議可配上枱面既黑醋一齊食，可以令沙律有不同變化～！！
其中一道主菜：M3秘製烤乳豬〔伴薯蓉及紅酒燒汁〕 $228
餐廳少數有得叫乳豬食，見有得叫就緊係試下啦！乳豬份量十足，個皮勁脆卜卜，食落好似食薯片，每口都卜卜脆聲！真係值得一讚！另外乳豬既肉勁多，仲要勁嫩滑，的肉汁豐富，好好味！
伴碟既薯蓉都比到我好深刻印象，因為薯蓉打得非常順滑，另外仲好重芝士味！食到咪埋眼，實在太好食！
另一個主食：烤紐西蘭羊扒〔伴薯蓉及紅酒燒汁〕$208
⚠️美食注意⚠️
極度驚喜！羊扒烤到七成熟，非常嫩口，啖啖肉，肉汁每一口都充斥著係口腔內，好像有十隻羊係口腔奔跑咁！必須一試！
紅酒燒汁既味道調教得好好，唔會太濃郁，太搶味，用來轉換口味剛剛好！
配菜仲有三層既烤瓜類，配上薄荷醬，個薄荷醬勁香既薄菏味，食落非常清新！烤瓜烤得剛剛好，外層好香，食落仲好有水份！
到套餐甜品時間：焦糖燉蛋
擺盤非常精美！面頭烤上一層勁厚勁脆的焦糖，係甜蜜滋味！燉蛋唔會好甜，配上焦糖脆，非常適合！
另一個甜品：藍苺奶凍
藍苺醬分量非常多，每一日奶凍都可以沾到足夠既藍苺醬！奶凍質地好滑，不會太甜，食著非常順口！
-
呢間意大利🇮🇹餐廳既食物水準真係好高！價錢又唔會好貴！值得一提既係呢度既侍應都非常留意客人，例如我既飲品已經飲完，佢地會立即比杯水喝，非常貼心！
Post
