Al Forno Pizzeria (Moved) New Location

今日去左中環食飯，朋友帶路食西餐，行到中環斜路附近有間意大利餐廳，午餐價錢好抵食，我地就入去試下啦！我地先叫一個湯一個沙律，沙律好爽脆，醬汁輕盈唔會太膩，味道好開胃！朋友飲湯都覺得好飲！主菜叫左Aglio olio with Parma Ham，巴馬火腿好咸香，入口唔會好乾帶輕輕油份，意粉非常彈牙，入口唔會乾唔油膩！另一個主菜叫左Fungi Tartufo，pizza批底唔厚入口好鬆化，芝士咸香，兩個人食份量岩岩好！我地仲叫左小食，炸蕃薯條超級滋味，香口香脆，味道清甜，炸到唔會油膩！Popcorn chicken好多肉汁，朋友就鐘意食雞翼啦！午餐價錢好抵，我地會再黎架！