薩莉亞意式餐廳 (得寶商場)

Open Now

Now Closed

差唔多到月尾，又係時候食平DD。去德福廣場行完街，就行去得寶商場「薩莉亞」食超抵嘅意式快餐。CP值高，所以每次嚟到，都會見到長長人龍。原本想喺度堂食，點知撳咗張飛出嚟，見號碼太後，要等好耐，所以決定外賣 。款式選擇都好多，仲好抵。雞肉多利亞 $29 + $1 (外賣)每次嚟到必點~ 係我至愛。雞肉粒鋪喺飯上面，再拎去焗至金黃色。雞肉唔乾，白汁份量仲好慷慨，每一啖飯都食到白汁，好 creamy，但食晒又唔會覺得好膩。雞肉粗管麵 $29 + $1 (外賣)見有新菜式推出，就叫嚟試試。原來味道同雞肉多利亞一樣，只係飯轉左做粗管麵，同樣做得唔錯。水牛芝士薄餅 $29 + $1 (外賣)薄餅有6件，出去超市買，都唔止呢個價，所以好抵食~薄餅底好脆口，水牛芝士味道香濃，好食。