Video
Read full review
2022-07-27
122 views
ilBelPaese係一間意大利餐廳，餐廳出邊仲有好多意大利食物可以購買，仲有Gelato添！我哋去咗堅道嗰間，喺商店行多兩步入去餐廳，我覺得呢度裝修好有特色，有種去咗歐洲小店嘅感覺。 呢度嘅食物會逐樣逐樣上，真係好似去咗旅行咁，所以要預留返多啲時間去享受。乜都未上之前有麵包同橄欖油，我哋仲飲咗意大利Galvania果汁，好味。Burrata Pugliese嚟自南部意大利芝士，Burrata入口即溶，好香滑同埋creamy。仲有火箭沙律同埋有兩款蕃茄仔，細隻啲比較甜。Spaghettoni Meat Balls好味嘅肉醬意粉，麵條比較煙靭，蕃茄汁偏甜。牛肉豬肉丸好大粒又夠juicy。La Nostra Lasagna好耐冇食加菲貓最鍾意嘅千層麵啦，俾我上次食嗰個好食好多！可以食到佢層次分明，麵嘅部份夠滑，中間仲有好多parmesan芝士做到拉絲嘅效果，牛肉醬都好足夠。Parma Ham Pizza有芝士、巴馬臣芝士、巴馬火腿、火箭菜，呢個配搭一流。Pizza底好香脆，鋪滿芝士，火腿同菜都好多，好香。Panna Cotta估唔到甜品咁大份！奶味好香，甜度適中，可以溝埋有啲酸酸地嘅士多啤
呢度嘅食物會逐樣逐樣上，真係好似去咗旅行咁，所以要預留返多啲時間去享受。乜都未上之前有麵包同橄欖油，我哋仲飲咗意大利Galvania果汁，好味。
Burrata Pugliese
嚟自南部意大利芝士，Burrata入口即溶，好香滑同埋creamy。仲有火箭沙律同埋有兩款蕃茄仔，細隻啲比較甜。
Spaghettoni Meat Balls
好味嘅肉醬意粉，麵條比較煙靭，蕃茄汁偏甜。牛肉豬肉丸好大粒又夠juicy。
La Nostra Lasagna
好耐冇食加菲貓最鍾意嘅千層麵啦，俾我上次食嗰個好食好多！可以食到佢層次分明，麵嘅部份夠滑，中間仲有好多parmesan芝士做到拉絲嘅效果，牛肉醬都好足夠。
Parma Ham Pizza
有芝士、巴馬臣芝士、巴馬火腿、火箭菜，呢個配搭一流。Pizza底好香脆，鋪滿芝士，火腿同菜都好多，好香。
Panna Cotta
估唔到甜品咁大份！奶味好香，甜度適中，可以溝埋有啲酸酸地嘅士多啤梨醬同埋雜莓。本身係咁話話好飽，但係因為太好味我食下食下都食晒。（肥）
Chocolate Mousse
呢個都好大份！呢個慕絲蛋糕好滑，同埋有香濃嘅朱古力味，呢個比上一個甜。
Post
