Oliver's Super Sandwiches (Closed)

super sandwiches自從新裝修後，地方空間感大左，坐位多左。平時多食下午茶，因為平日下午茶有個蘇皮湯加個細意粉，加多杯熱飲，都係夜晚一個意粉嘅價錢，但係就有三種享受，係唔係特超所值呢 個湯嘅包面係我最鐘意食嘅部份。又脆又鬆軟，將包面放入熱辣辣嘅湯入面，面包脆變淋，咬落有兩個唔同層次嘅口感，再加入湯嘅味道，濃濃满口都已經被湯沾濕脆淋嘅包包圍，果一刻有種又满足又幸福嘅感覺岀現。因為食左個湯後，飽肚感已經有六成。再配合個迷利size白汁三文魚意粉，對我黎講份量剛剛好。個意粉嘅白汁味道適中，食落有忌廉和小小奶嘅味道，唔太濃。三文魚是乾身果種，與白汁嘅味道好協調。食哂再飲杯熱檸水，perfect match，又可幫助消化。