Video
Read full review
2016-10-12
3363 views
賀完細妹生日，就輪到老婆餐生日飯，既然喺佢就搵間有特色少少，未必一定要好高級，但最緊要有素食、健康，所以，趁出開嚟尖沙咀就揀咗感覺清新，賣意大利菜嘅Assaggio，加埋佢朋友，一行3人嚟到食個悠悠閒嘅午餐。初時睇地址為Mira Mall，都無特別為意，原來非大商場嗰邊，而喺美麗華酒店嗰邊，餐廳嘅位置有啲隱蔽，搭扶手電梯要轉嚟轉去，反而搭酒店電梯上二樓一出就喺。餐廳環境頗寬敞，木地板配番木系枱櫈，白色仿磚牆，一派輕鬆悠然嘅感覺。店內有張方形共用大枱，足坐上十多人，啱晒大棚人，不過，有客人用餐就唔方便影。而我哋被安排坐梳化卡位，餐枱好大張，啲位好闊落，但略嫌墊褥薄，挨背較深，加個咕臣挨吓就更好坐。近門口又好，梳化卡位又好，牆上都放滿好多意大利入口嘅乾貨食材，問過店員喇，只喺裝飾，不設零售，但餐廳就確喺用上擺晌度嘅食材，然而店員都補充多句，佢話應該喺一般大型超市都會有得買。午市只做套餐，散點餐牌不適用，唯一散點就只有5款精選薄餅。午市套餐喺3道菜嘅午餐，包頭盤、主菜及甜品，奉送一般茶啡，如轉飲升級飲品需補錢，而定價視乎所揀嘅主菜，由$108 - $148 + 10%。頭盤共有3款選擇：自助
初時睇地址為Mira Mall，都無特別為意，原來非大商場嗰邊，而喺美麗華酒店嗰邊，餐廳嘅位置有啲隱蔽，搭扶手電梯要轉嚟轉去，反而搭酒店電梯上二樓一出就喺。餐廳環境頗寬敞，木地板配番木系枱櫈，白色仿磚牆，一派輕鬆悠然嘅感覺。
店內有張方形共用大枱，足坐上十多人，啱晒大棚人，不過，有客人用餐就唔方便影。而我哋被安排坐梳化卡位，餐枱好大張，啲位好闊落，但略嫌墊褥薄，挨背較深，加個咕臣挨吓就更好坐。
近門口又好，梳化卡位又好，牆上都放滿好多意大利入口嘅乾貨食材，問過店員喇，只喺裝飾，不設零售，但餐廳就確喺用上擺晌度嘅食材，然而店員都補充多句，佢話應該喺一般大型超市都會有得買。
午市只做套餐，散點餐牌不適用，唯一散點就只有5款精選薄餅。
午市套餐喺3道菜嘅午餐，包頭盤、主菜及甜品，奉送一般茶啡，如轉飲升級飲品需補錢，而定價視乎所揀嘅主菜，由$108 - $148 + 10%。
頭盤共有3款選擇：自助沙律、意大利火腿或餐湯配麵包。我哋3個人，啱啱好就唔使傷腦筋揀邊樣，一於3款都試試喺點。補充句，可以只食頭盤，加杯餐飲，只喺$88，但相信適合減肥或節食嘅朋友，食份沙律，加杯熱飲。
Garden Salad Bar叫得「Garden」就梗喺以蔬菜為主，晌近門口水吧位放滿各式各樣新鮮食材，如沙律菜、烤茄子、法邊豆、燒燈籠椒、紫洋蔥、西芹、青瓜、薏米、煙肉粒……等等十多種配料，再配兩款醬汁及油醋，此外，仲不過，溫馨提示，沙律只可以攞一轉，但見餐廳提供嘅餐碟都好大隻，足以拎到大大份沙律返嚟。
基本上，所有食材都要少少，已經擺滿一整碟。整體食材果然新鮮，而且，細心嘅話食得出唔少材料都處理過，唔喺就咁洗洗切切就擺出嚟，例如粟米粒炒過，茄子及燈籠椒都烤過，亦非罐頭貨色，所以，新鮮好食。此外，沙律吧仲有啲蒜蓉包拌吞拿魚蓉，拎3件可以大家都有得試。
Garden Salad Bar
47 views
1 likes
0 comments
咪睇有個Ham字就以為喺啲意大利風乾火腿乜乜乜，其實只喺一款博洛尼亞嘅意式凍肉腸配一款意式牛芝士，不過，款肉睇都幾特別，混入咗開心果仁，薄切嘅肉腸口感清爽，微微嘅鹹香；至於粒芝士，質感挺實，味道有啲似巴馬臣，但唔喺好濃味，較輕怡。
Pumpkin Soup with Bread餐湯就比較難分嚐，所以，小弟只淺嚐一口，但都足夠品嚐到個味道，南瓜味濃郁且香甜，口感幼滑。不過，兩款配湯嘅麵包（個火腿都有附送），口感一般般，有點乾乾硬硬，唔太討好。
Pumpkin Soup with Bread
23 views
1 likes
0 comments
Maccheroni Bolognese $118主菜嘅份量比預期細少許，當然一般人而言加埋頭盤絕對夠，但大食嘅男生就擔心有少少唔夠飽。個肉醬長通粉好香，啲肉醬做得好惹味，長通粉煮得有咬口，看似簡單，卻喺好食。
Maccheroni Bolognese
$118
28 views
1 likes
0 comments
熟我嘅朋友都知我多數會揀意大利飯，因為，意大利飯確喺好蝦人煮，今趟晌度食到嘅就好有水準，啲飯粒煙韌有咬口，卻唔會有生米嘅感覺；而且，濕潤且充滿菌香，見有咁多菇菌就知啦，再者，糝咗唔少巴馬臣芝士，香氣到不得了。
Risotto Mushroom and Parmesan
$128
21 views
1 likes
0 comments
老婆揀嘅心水就喺依一道輕煎盲鰽，賣相精簡唔花巧，單單就只有烤薯角墊底而已，但將魚切成3件擺得精巧立體。魚肉煎得非常甘香，老套一句，真喺皮脆肉嫩，魚肉好嫩滑，少少鹽同香草香，灑點檸汁，清新更吊起魚鮮味。
Pan-seared Barramundi
$138
23 views
1 likes
0 comments
Panna Cotta甜品無得揀，就只有意式奶凍。咪睇佢一小杯，細心食絕對能體會到廚師嘅心思。奶凍做得口感柔滑，極富奶香，心思位就喺加咗少許焦糖漿及杏仁碎，初時仲以為喺瑪莉餅碎添，立時味道就變得唔單一。
Hot Lemon Water老婆同佢朋友就點咗熱檸水，檸水或檸茶都喺以壺上，比起簡單就咁一杯，感覺會唔同啲。
Cappuccino +$15既然食到咁好嘅菜式，都唔想「求求其其」一杯咖啡，所以，加錢要杯意大利泡沫咖啡，從杯身理解，店家所用嘅咖啡豆嚟自意大利品牌illy，品質有一定嘅保證。咖啡唔止醇香，餘韻長，奶泡打得夠厚身綿滑。
Cappuccino
19 views
1 likes
0 comments
Post
