Table Ten (Closed)

朋友知我喜歡食日本菜，上星期約埋幾個朋友到一間新開的餐廳試試，平時間中都會到埃華街一帶食晚飯, 但有水準的日式菜唔多選擇, 估唔到有意外驚喜。餐廳座位舒適，有足夠空間感，適合三五知己放工聚會。 刺身：非常新鮮，食得到鮮甜的味道，賣相吸引。塩燒牛舌：牛舌質感柔軟，燒烤時間剛剛好，水準之作。燒鮮雞肝及雞心：味道跟一般用急凍貨的串燒店真係有天淵之別，正! 。對於係羊痴的我，香草燒羊架又點會錯過，肉質鮮嫩，味道一流，佢地仲有另一味道嘅羊架，我再encore一客，果然別有風味。 朋友經常去日本旅行都會食Yakitori，隨口問問侍應有冇燒雞尾，因為係香港唔係咁容易搵到日本餐廳有得食，點知侍應話有，朋友即刻點咗嚟食，佢話好好味，不過我唔敢試。我哋仲食咗雞皮露笋串、軟骨免治雞肉串同埋燒日本青椒，今晚美中不足係燒雞皮乾咗啲…… 老闆最後送咗甜品 “燒日本芝士年糕及燒菠蘿” 俾我哋。整體嚟講，消費比其他大角咀餐廳為高， 但以食材用料及質素比較，價錢是絶對可以接受。