稻埕飯店 (V Point) (Closed)

朋友準備移民，緊係要搵一日約埋班fd一齊farewell啦，有可能係最後一次同枱食飯，搵間好啲既食先！今日就去到呢間稻埕，話就話係台灣菜，但估唔到原來台灣菜都可以做到咁高級！入面環境勁靚，好多打卡位人多有套餐可以叫，幾好，不過最估唔到原來呢到連cocktail都有全部cocktail都係打卡able，整得好靚之餘，味道都好出色，最impress係苦瓜cocktail，用苦瓜黎整真係第一次見，飲落勁清新好refreshing，有驚喜！食物方面，呢個蟹肉蛋白湯同樣出色，蛋白好似泡泡咁，食落好鬆軟，蟹湯夠鮮甜鮑魚好軟身，預先切開左一半，唔會太隻食到好狼狽，調味得好足食落好入味黑松露解奶油百合花，一放低已經好重黑松露味撲鼻，入面勁香濃奶油，食落勁香八料子炒飯，飯粒乾身粒粒分明，落料都好足，又帶子又肉鬆又鴨肉，每一啖都勁多料入口，食到停唔到口