Video
Read full review
2016-09-08
209 views
有時候夜晚我淨係想食啲甜品就算，但係身邊嘅男性朋友一定唔可以咁樣做啦，一定需要食d飽肚嘅食品，如果唔係會成晚嘈住晒，話唔夠飽，所以有陣時都唔知就得佢定係就得我自己。今日行過呢度嘅門面，見到真係超級靚，睇落去又光猛，啲蛋糕一件件放喺個玻璃雪櫃入面非常之矚目，非常之靚，所以我嘈左好耐非要入呢間食晚飯不可！好神奇原來呢度除咗甜品之外，仲有鹹食，所以我嘅男性朋友都非常之開心，終於有嘢岩批食，哈。一開始睇個餐牌嘅時候見到有幾款晚餐可以選，都係一啲套餐嚟嘅，會包一杯野飲，一個煮食，同埋一個小食。諗住淨係叫一個套餐再加一個甜品，但係去到櫃檯買飛嘅時候店員竟然話原來呢啲套餐都係買一送一！心諗實在太抵啦！＄88仲要買一送一真係超級吸引！所以就叫左一個卡邦尼亞年糕同埋一個韓式辣醬拌冷面餐。卡邦尼亞年糕餐--年糕餐除左主食年糕之外仲跟咗一個炸餃子。個餃子肯定係即整的，熱辣辣，咬落去中出煙，咬落去入邊出哂煙，再點埋佢配嘅醬汁，味道好好味！年糕好煙韌，佢嘅味道同普通西式嘅卡邦尼亞意粉嘅味道差唔多，但係佢唯一唔同嘅就係多咗辣味，應該就係加左韓式嘅辣椒粉，第一啖食落去嗰陣時候已經感覺到好辣，但係食食吓去夾埋啲芝士嘅
今日行過呢度嘅門面，見到真係超級靚，睇落去又光猛，啲蛋糕一件件放喺個玻璃雪櫃入面非常之矚目，非常之靚，所以我嘈左好耐非要入呢間食晚飯不可！
好神奇原來呢度除咗甜品之外，仲有鹹食，所以我嘅男性朋友都非常之開心，終於有嘢岩批食，哈。一開始睇個餐牌嘅時候見到有幾款晚餐可以選，都係一啲套餐嚟嘅，會包一杯野飲，一個煮食，同埋一個小食。
諗住淨係叫一個套餐再加一個甜品，但係去到櫃檯買飛嘅時候店員竟然話原來呢啲套餐都係買一送一！心諗實在太抵啦！＄88仲要買一送一真係超級吸引！所以就叫左一個卡邦尼亞年糕同埋一個韓式辣醬拌冷面餐。卡邦尼亞年糕餐--年糕餐除左主食年糕之外仲跟咗一個炸餃子。個餃子肯定係即整的，熱辣辣，咬落去中出煙，咬落去入邊出哂煙，再點埋佢配嘅醬汁，味道好好味！
年糕好煙韌，佢嘅味道同普通西式嘅卡邦尼亞意粉嘅味道差唔多，但係佢唯一唔同嘅就係多咗辣味，應該就係加左韓式嘅辣椒粉，第一啖食落去嗰陣時候已經感覺到好辣，但係食食吓去夾埋啲芝士嘅味道有幾夾喎。
韓式辣汁拌冷面--超級正嘅味道！其實本人就唔係好鍾意食韓式嘅水冷麵，所以就覺得韓國嘅冷麵差唔多味道，唔係咁想試，但係見佢買一送一就試吓呢個，點知超級驚喜！
冷麵整出嚟凍冰冰好好食，而且加左種好好味嘅辣椒醬，有小小蒜蓉嘅味道(味道有d似我地食開嘅撈撈小食)。估唔到可以甘好食，但係提提大家呢個面真係有d辣。我超中意食辣，簡直超岩我胃口！
套餐仲配左柚子雞翼，雞翼熱辣辣炸出嚟，外面脆卜卜，入面啲雞肉仲係好嫩，上面就加左少少韓式嘅柚子醬，食落去嗰陣味好清新。
其實兩個套餐兩個人食已經綽綽有餘，但係我入嚟本身係為咗食甜品，所以點可以放過！我就叫左一個芒果雪花冰，平時我食開刨冰一定要另外加媡奶食先至OK嘅，因為我好中意甜，但係呢度嘅刨冰一早喺冰入面加左奶一齊打，令到我覺得唔需要再額外加已香甜，比起我另外加媡奶更好，唔會蓋住冰嗰陣味。
而且芒果好甜，好熟，一啖刨冰一啖芒果，又或者篤爛小小個芒果肉，撈埋一齊食，超級好味，食完成個人超級滿足！
兩個人食咗兩個套餐再加埋一個刨冰埋單都係差唔多＄200，食嘅嘢又超多，仲要有番甘上下嘅質素，真係一定有下次！仲要好快有下次，哈哈！
Post
