Video
Read full review
2018-04-09
436 views
同朋友入元朗食放題，初時以為咁平，都應該無咩野食，但因為我地想食放題，照入去試下。星期日下午1點左右，唔算多人，但晏少少人開始多人。室內設計師朋友話呢度既室內設計係有精心咁設計過，而且重好落本我一向都會先食沙律，呢度有沙律重有烏冬可以撈麻醬呢度有唔少熟食供應，有咕嚕肉，雜菌菜，豆角炒肉，蟲草花雞，茄子粉絲，甚至有皮蛋瘦肉粥，重有排骨鳳爪蒸飯，而我想講既係，我食左佢既藥膳雞腳，估唔到咁入味，好食韓燒放題，當然要食燒肉。選擇都算多，基本既豬，牛，雞都有。豚肉，牛柳同雞賢都好好食，肉質同味道都好好，讚但如果有埋菜可以包肉食就更正。加上呢度個爐，我幾鍾意，有張焗爐紙墊住，唔會痴底，而且個爐吸味既設計幾好，食完個身都唔會有好大陣韓燒味。食到尾段，係食甜品既時候，有蛋糕仔，班蘭味，朋友話好味，呢度甜品都幾多選擇，有成個凍櫃，有啫哩，有粒好似綿花糖咁，幾得意。我覺得Tiramisu 味既 mousse cake 最好食。最有趣係我食食下，見到好多小朋友拎住綿花糖原來門口附近有部機整綿花糖，唔止。。重有爆谷機，阿華田爆谷，我好鍾意食爆谷，加上呢個味，真心正，好驚喜重有waffle 機同炒雪糕機，炒雪糕
星期日下午1點左右，唔算多人，但晏少少人開始多人。
室內設計師朋友話呢度既室內設計係有精心咁設計過，而且重好落本
我一向都會先食沙律，呢度有沙律重有烏冬可以撈麻醬
呢度有唔少熟食供應，有咕嚕肉，雜菌菜，豆角炒肉，蟲草花雞，茄子粉絲，甚至有皮蛋瘦肉粥，重有排骨鳳爪蒸飯，而我想講既係，我食左佢既藥膳雞腳，估唔到咁入味，好食
韓燒放題，當然要食燒肉。選擇都算多，基本既豬，牛，雞都有。豚肉，牛柳同雞賢都好好食，肉質同味道都好好，讚但如果有埋菜可以包肉食就更正。
加上呢度個爐，我幾鍾意，有張焗爐紙墊住，唔會痴底，而且個爐吸味既設計幾好，食完個身都唔會有好大陣韓燒味。
食到尾段，係食甜品既時候，有蛋糕仔，班蘭味，朋友話好味，呢度甜品都幾多選擇，有成個凍櫃，有啫哩，有粒好似綿花糖咁，幾得意。我覺得Tiramisu 味既 mousse cake 最好食。
最有趣係我食食下，見到好多小朋友拎住綿花糖原來門口附近有部機整綿花糖，唔止。。重有爆谷機，阿華田爆谷，我好鍾意食爆谷，加上呢個味，真心正，好驚喜
重有waffle 機同炒雪糕機，炒雪糕機真心好有趣，無諗過韓燒放題會有，我覺得老闆係真心有諗頭
埋單加一都係136，我覺得絕對係抵食，而且有驚喜。
Post
