Passion (朗豪坊) (Closed)

一直見這間裝修好靚，怕價錢好貴，但原來好合理~我和老公兩個人去食下午茶，點了兩件食物同一杯咖啡。這個煙三文魚三文治很不錯，大大份都係54元，而且都幾足料，啖啖都咬到三文魚。不過法包有點硬，都要咬幾耐。另外個雜莓酥酸酸甜甜好開胃!!!!非常好味，不過面層個糖醬好黏手，小心不要用手碰~咖啡個奶泡好香，味道都幾特別。平時成日覺得咖啡個咖啡底好重要，但這杯個奶反而變左重點，非常推薦!22元杯好抵!!店內還有好多款不同的餅批酥點，有機會一定再去。