樂怡小廚

Open Now

Now Closed

有一次經過街巿，發現入面有間餐廳，今日就決定落嚟試下，去到門口已經有人等緊位，好彩我地2個人好快就有得入座。精選套餐選擇都幾多，我地選擇左滑蛋鰻魚飯同焗咖哩雞飯。每個餐可以配熱飲一杯，凍飲當然另加錢。滑蛋鰻魚飯：鰻魚嘅份量一點都唔孤寒，相當大塊，滑蛋部分無過熟，仲有好多蛋汁，米飯用嘅係珍珠米，味道不錯。咖哩焗雞飯: 賣相唔錯，用珍珠米炒飯底，而咖哩汁唔太辣，有點似日式咖哩，少辣得嚟又帶點惹味，雞扒份量唔算好多，幾嫩滑，而上面嘅芝士做到拉絲嘅效果，加左分，整體不錯。將來應該會再嚟幫襯呀！