Woke (Under Renovation)

今日放工同朋友去食飯，但係因為臨時約而且冇book位，所以就上咗威靈頓街行吓睇吓邊間餐廳吸引，俾我哋見到有呢間餐廳，因為佢嘅環境創新同埋舒適嘅設計令到我哋都好想試吓。我哋入到去見到有好多唔同嘅海鮮，而且見到隔離枱有好多唔同款式嘅食物賣相都非常之吸引。首當其衝嘅就係佢哋嘅龍蝦肉，意式香草蕃茄汁意粉🍝見到佢成隻龍蝦肉咁樣放上碟，覺得非常之吸引，食落都覺得佢哋嘅龍蝦肉好新鮮！除咗龍蝦之外我哋都叫咗銀鱈魚，長臂蝦，冬陰功忌廉泡沫，呢幾樣野亦都非常之夾😽我哋仲叫咗個Scallop crudo，佢入面分別有幾粒嘅海帶子 + 柚子啫喱+ 芒果莎莎+ 海膽，食物放入口嘅口感非常豐富，而且味道亦都非常特別！最後我哋叫咗個甜品拼盤，佢一共有三樣甜品分別就係朱古力慕絲蛋糕，瑞士卷，cream brûlée！