鉄人旨花 (Closed)

今日係灣仔會展放工，就約朋友係港島區食野。之前已經係銅鑼灣試過呢間既鐵板燒，十分出色，今次終於可以一試佢既sushi同串燒喇！鋪頭位於西營盤港鐵站，再行大約五至10分鐘就到啦。店舖比銅鑼灣嘅細好多，麻雀雖小，五藏俱全。裝修充滿着日本和風風情，餐具都用上高雅既純白色作為主調，再加上閃閃爍爍嘅金色花，別具心思。主菜方面，「海鮮山飯$198」海鮮份量好多，最出色既當然係新鮮又甜美既海膽，粉嫩色嘅吞拿魚蓉，海水味濃郁既三文魚籽，大大隻甜蝦，混埋一齊食，又濃郁又豐富，好滿足呀！「明太子板燒玉子$68」一共有六件，玉子燒至金黃色，加上橙紅色既明太子係頂，咬落去，暖暖既玉子燒令明太子溶化，分外好吃，價錢又唔貴，好推薦大家一試呀！「黑松露海膽海鮮炒飯$168」黑松露味又香又濃郁，炒飯炒至粒粒分明、金黃色，至於饅魚同海膽，份量又多又新鮮，幾乎每食一啖都有海鮮作伴，十分抵食「胡麻燒雞冷蕎麥面$88」熱辣辣既燒雞；冷冰冰又彈牙爽口既蕎麥麵，配上酸酸甜甜既芝麻醬，十分特別。