入麵 (Closed)

石門區返工，經常見“入麵”好多人等位，令我都好好奇，有一兩次八點去，麵品都已經售罄，終於等到今次。Menu比較簡單，基本上就係㨂咩肉配咩汁，原來佢有飯，不過麵店就梗係要食麵！撈麵都有幾個風味，最後揀咗日式燒汁雞+麻香醬撈麵 & 回味醬骨架+薑蔥蒜撈麵。醬骨架味道略濃，係好食嘅，有啲似紅燒。不過就“難去食”，有啲肉係骨同骨中間，即使提供手套，但我懶😅， 所以有少少哂咗。 至於日式燒汁雞，雞肉有少少乾，個汁就幾好，甜甜哋， 同以往認知的日式燒汁有點不同。我反而覺得主角係麵，原來係似上海麵嘅質感，淋淋哋，粉粉地，唔係彈牙個種，不過我鐘意✌️不論配薑蔥蒜定麻香醬都各有特色，粉粉哋嘅麵變凍食就唔會太粉，恰到好處，若冬天食就會略嫌凍。不過整體係推薦的！