Have A Date (Moved) New Location

尋晚又要OT，放工同同事去搵食！大家都咁肚餓，佢就提議不如去附近食算啦！加上最近我少出街午餐，無乜主意！於是佢帶咗我去佢最近lunch新寵食！原來裡面裝修都幾好，有d外國酒吧feel，唔怪得佢咁鍾意去呢度啦！晚餐有兩個Menu, 分別有主食同小食！主食亦分別有扒類同意粉類！我哋叫咗安格斯肉眼牛扒、鮮茄燴牛肋骨意粉、蜜餞土匪雞翼！本身只係安格斯肉眼牛扒先跟餐嘅，一問之下原來意粉加12蚊都可以，於是我就加埋，套餐即係有湯同飲品跟！原來係用我至愛牛角酥代替餐包，入口好鬆化，配埋羅宋湯簡直係絕配！羅宋湯味道幾酸入口口感幾好！蜜餞土匪雞翼同事話係皇牌必叫，原來真係幾好味！雞翼面上有層蜜糖，加上係即焗個雞翼皮係脆嘅，口感非常好！安格斯肉眼牛扒配飯，同事叫咗五成熟，肉質幾淋容易切開，切開後肉汁豐富又有牛肉味！不錯不錯！我就叫咗鮮茄燴牛肋骨意粉，由於我係超級蕃茄迷，對呢個情有獨鍾！食落味道似細個西餐廳食嘅燴汁味道，意粉口感唔會太淋，牛肋骨亦煮得好淋身同入味！我忍唔住叫同事下次去呢間食Lunch要叫埋我！哈哈！