Video
Read full review
2017-09-22
79 views
每日返工返得甘辛苦都係為三餐，所以我成日都會搵好野食。呢排成日黎觀塘返工，發現我腦海中既工業區，原來變左美食聚集地！今日黎到巧明街既愛琴坊，7點左右其實好多店都關左。係商場外面已經見到有餐廳既MENU了！入到去發現好多餐廳都無開，所以就入左去Mela Italian & Spanish Cuisine。餐廳係商場中央位置，採用開揚形式，環境唔錯！好有傳統既感覺。7點左右餐廳人唔算多，位置好寬闊，大部分都係4人枱。空間大會令客人可以好輕鬆地邊食邊傾計。大約7點半到8點左右開始多人，但店員安排位置都唔會集中同一個區。Drinks Menu好新好乾淨，令我記起以前我返暑期工個陣都每日抺餐牌。餐牌乾淨其實好重要，好影響客人第一印像。食西餐我通常都會飲少少酒，今日就點左2杯cocktails。分別係MOJTO($58)，用左Bacardi Rum,Mint leaves,Lime Wedge,White Sugar,Soda。酒精濃度有7%，雖然大家可能覺得Mojto好普通，但係呢度加左梳打，會更易入口，而且青檸唔會太酸。好適合食完一道茶可以refersh一下口腔。SANGRIA-RED WIN
呢排成日黎觀塘返工，發現我腦海中既工業區，原來變左美食聚集地！
今日黎到巧明街既愛琴坊，7點左右其實好多店都關左。
係商場外面已經見到有餐廳既MENU了！入到去發現好多餐廳都無開，所以就入左去Mela Italian & Spanish Cuisine。
餐廳係商場中央位置，採用開揚形式，環境唔錯！好有傳統既感覺。
7點左右餐廳人唔算多，位置好寬闊，大部分都係4人枱。空間大會令客人可以好輕鬆地邊食邊傾計。
大約7點半到8點左右開始多人，但店員安排位置都唔會集中同一個區。
Drinks Menu好新好乾淨，令我記起以前我返暑期工個陣都每日抺餐牌。餐牌乾淨其實好重要，好影響客人第一印像。
食西餐我通常都會飲少少酒，今日就點左2杯cocktails。
MOJTO,SANGRIA(RED WINE)
5 views
0 likes
0 comments
酒精濃度有7%，雖然大家可能覺得Mojto好普通，但係呢度加左梳打，會更易入口，而且青檸唔會太酸。好適合食完一道茶可以refersh一下口腔。
SANGRIA-RED WINE($68)，用左Red Wine,Triple Sec,Orange Juice,Sprite,Fresh Fruit。
酒精濃度13%，食西班牙菜點可以唔叫西班牙傳統特飲。分量調配得好岩，有明顯的紅酒味道，但雪碧除去左紅酒既苦澀味，而水果帶酸甜，豐富層次，飲多杯都唔怕醉。
Menu一大張，有好多唔同既選擇。所以今日沙律，小食，主食都嗌齊。
藜麥，蘋果，紅菜頭，松子仁，沙律配香橙油醋汁
$78
9 views
0 likes
0 comments
藜麥，蘋果，紅菜頭，松子仁，沙律配香橙油醋汁 ($78)
平時覺得藜麥，紅菜頭呢啲健康食物唔會好食。
一上枱見到滿滿既天然色素，抱住實中伏既心情去試。
E,,,,,,,,又幾好食啊。香橙油醋汁味道好突出，酸酸甜甜，好新鮮水果味。
紅菜頭好淋，加上大量藜麥口感唔錯，畢竟係谷物類，都會有飽肚感。減肥人士岩哂。
但當你食到口寡寡時食返粒爽甜既蘋果即刻BLANCE返，另外松子仁係加分位，因為獨特既味道會係畫龍點睛既作用。
脆炸香辣單骨雞翼
$78
11 views
0 likes
0 comments
脆炸香辣單骨雞翼($78)
嘩！！！好多雞翼呀，足足6隻，單骨雞翼真係好貼心，好方便食。
好香香料味，有陣印度味。不得不讚，粉醬炸到好脆，就算食到最後一隻凍左都保持脆卜卜。
肉質好嫩滑，但調味大部分都係來自香料粉，應該只係同一般家庭醃雞翼一樣，但帶有少少甜。
炸得岩岩好，肉骨容易分離，放入口咬實，拎返件骨出黎，講都無甘易。
大虎蝦，櫻花蝦，車厘茄，蕃茄蝦汁，手製意大利麵
$168
5 views
0 likes
0 comments
Hand-made Spaghetti w/ Tiger Prawns, Tomato Shrimp Sauce & Cherry Tomato
大虎蝦，櫻花蝦，車厘茄，蕃茄蝦汁，手製意大利麵($168)
係我揀緊要邊款意粉時經理大力推薦呢款，我心諗堅呢堅呀？係唔係無人叫先係甘叫我點。
講到個蕃茄蝦汁煮到好似龍蝦湯甘，手製意大利麵大廚每日製造。
等我試下真假啦！！！！
望落好似係粗身既天使麵，一食落去
真係好似煮左好耐，好濃既龍蝦湯味，包裹住每一條麵。彈牙既麵有點似中式蛋麵，食得出同一般餐廳唔一樣，真係每一啖都食到廚師的用心。好值得為左手製意大利麵再次光顧！！！
可以改善既點係，雖然蝦好新鮮彈形，煎到好香口，而且有事先醃製過。但蝦腸可以清理下，如果再好食既蝦食到有蝦腸，有少少沙既口感會扣左分。
西班牙式燒豬肋骨（10吋）
$198
8 views
0 likes
0 comments
Rosted Pork Rib in Spanish Style (10 Inch)
西班牙式燒豬肋骨（10吋）($198)
睇落以為燒到好乾身，但唔係！！肉質好軟，醃得好入味，表面的特製醬好濃，唔會好漏，豬肉本身味道都保留到。
6大件，好多肉。唔洗用力就可以切開，火喉控制得好好。
西班牙式燒豬肋骨（10吋）
$198
15 views
0 likes
0 comments
旁邊的醬食落好似係蘋果同梨既果醬，但問左服務員，卻得到係BBQ醬既回答。所以實際係咩依舊係個迷........
但食得多肉都可以加少少個醬，可以減輕罪惡感，無甘膩。
4 views
0 likes
0 comments
滿足的一頓晚餐，真係食唔落甜點了。希望下次可以試下甜點水準如何！
最後埋單$713 ，食甘多野價錢差不多，而且單價都正常定價。服務唔錯，見到隔離枱有叫生蠔，經理都好詳細介紹。
臨走先發現每日都有精選生蠔，今次走哂寶啦！！！！真係要再黎過了。
Post
