Video
Read full review
2016-09-23
2100 views
話說前晚睇左集大台八點既電視劇, 入面講到有間餐廳食海南雞飯非常美味, 就令到我好想食一個好好味既海南雞飯. 之前世貿某一間上海餐廳, 都有個唔錯既海南雞飯, 可惜去到先發覺佢地已經結業了. 打開"開飯喇"APP再找找, 就找到呢間有三十幾個好評既餐廳. 位置係我從未踏足過既美食大廈, 座落於銅鑼灣SOGO側, 非常方便(HYSAN商場對面). 就一於上去試下有幾巴閉啦!~樓下水牌餐廳座位大約有30個, 環境都幾舒服; 見之前D食評話服務態度麻麻, 都有少少感覺, 但又唔係話咁差, 只係佢地無刻意去做出"牡單樓"既微笑.餐牌上沒有任何SET DINNER. 亦都冇海南雞飯, 雞同飯係要分開叫既. 我地就點左半隻海南雞 ($179), 同一碗油飯 ($18). 認真講, 價錢其實不是平民, 但佢既海南雞, 真係唔錯. 夠腍夠滑, 沒有骨, 我諗都算係正宗吧.再點左個馬拉盞炒通菜 ($88). 大大粒蝦米, 份量都好夠, 好香, 即炒出黎既.蝦醬雞翼 ($49) 都係即叫即做, 蝦醬亦夠香, 好味!最後亦叫左一支啤酒 ($32). 本來我諗住係一支大啤, 但原來只係細枝裝
樓下水牌
餐廳座位大約有30個, 環境都幾舒服; 見之前D食評話服務態度麻麻, 都有少少感覺, 但又唔係話咁差, 只係佢地無刻意去做出"牡單樓"既微笑.餐牌上沒有任何SET DINNER. 亦都冇海南雞飯, 雞同飯係要分開叫既. 我地就點左半隻海南雞 ($179), 同一碗油飯 ($18). 認真講, 價錢其實不是平民, 但佢既海南雞, 真係唔錯. 夠腍夠滑, 沒有骨, 我諗都算係正宗吧.
再點左個馬拉盞炒通菜 ($88). 大大粒蝦米, 份量都好夠, 好香, 即炒出黎既.
蝦醬雞翼 ($49) 都係即叫即做, 蝦醬亦夠香, 好味!
最後亦叫左一支啤酒 ($32). 本來我諗住係一支大啤, 但原來只係細枝裝, 餐牌上亦都冇列明, 呢點有D失望
總括黎講, 食物係非常唔錯, 佢地亦都有主打既黑/白楜椒蟹 ($498), 下次應該會試一試. 環境亦好好, 可以幾個朋友一齊黎慢慢坐傾下偈. 值得推介.
Post
