Oddies (Closed)

個日突然想食雞蛋仔，之前成日係網上見到人食，就專程去試下，原本以為好近地鐵站附近，但實際都幾遠。去到見到門口有少少細，同想像中都有D出入，跟住再見到個A4 size嘅menu上面最主要係雪糕同雞蛋仔嘅組合，我就揀左第一次見嘅云呢嗱米飯布丁雞蛋仔($20)，見到個樣平平無奇，咬落去入面好似夾左糯米咁，幾有口感。不過食到中間太多米飯，唔可以好似平時咁一粒粒咁mit開，同埋雞蛋仔嘅味已經冇左，有d可惜。食完覺得有少少唔抵，不過下次會試下其他味，好似泡菜同臘腸味。