King's & Queen's 冰室 (Closed)

要係馬鞍山搵好野食，選擇並不多，通常只有係大商場搵食，但食物味道質素總係太商業化，有時想食d地度有風味既野.......有次個舊同學係whatapp group share 泥涌村村屋有間食地道小菜，聽聞仲係大師博主理，其實西貢泥涌係好近馬鞍山，今日不妨走出框框，行多兩步去試下。依度餐廳可以坐露天或室內，室內裝修好有特色，有唔同既feature walls , 地方都算寬敞，坐得都舒服。依度主要係中菜為主，今日叫左幾款試下水溫先....1. 西蘭花炒海魚一睇個賣相已經好吸引，味道方面，食物好有鑊氣，魚肉都新鮮，味道唔錯。2. 金沙蝦球咸蛋黃緊緊包實蝦球，外皮炸得好香脆，濃濃咸蛋黃味，蝦球十分新鮮彈牙，整體味道都無械可擊。3. 金牌紅燒乳鴿依個乳鴿炸得真係好好，外皮乾身香脆，但鴿肉仍然保持嫩滑有肉汁，味道咸咸香香，好入味。4.脆皮炸豬手誠意推介，豬手皮真係脆卜卜，肉質嫩滑，豬手皮夾住少少脂肪同肉，三層一齊食，真係好好味，送啤酒一流。總體黎講，食物質素都相當唔錯，小規模既冰室，但有酒樓級水準，最緊要夠鑊氣，食物價錢又經濟實惠，其實仲有好多菜式好想試，得閒又會再過黎開餐。