Video
Read full review
2021-01-11
68 views
每逢Weekend都好想同朋友試新咖啡店，今次到訪頗有名氣的The Coffeeology，Café位於銅鑼灣耀華街，可算是十分方便。到達時下午4點多，可能開始接近晚飯時間，前面有2批人放棄排隊，所以等左15分鐘便可入座。設計風格帶點Rusty感覺，用上水泥磚塊打造而成，質感粗曠，亦有一種藝術氣息。本來沒有抱著任何期望，畢竟有唔少咖啡店係環境比食物好，可能因爲呢個原因，反而有一份驚喜。《Iced Matcha Latte $60》採用京都抹茶，漸層效果做得好靚。想講好多地方都有Matcha Latte，不過沖得好的卻少之又少，一係太Milky唔夠抹茶味，一係就飲到太多溶唔到的抹茶粉，當然價錢仲要係唔平啦。呢度的Matcha Latte我係幾有驚喜，除左係甜左些少之外，奶味夠香滑，茶味濃郁而不苦澀，飲唔到唔均勻的抹茶粉，整體質素可以講係中上級數。《Iced Latte $42》揀左偏Fruity的咖啡豆，飲到咖啡味，不過鮮奶為更爲突出，下次黎會想試試熱啡。《Carbonara $88》對於我呢個Pastaholic黎講，Carbonara係我其中一款頗喜歡的口味。雖然好多餐廳都有得食，不
設計風格帶點Rusty感覺，用上水泥磚塊打造而成，質感粗曠，亦有一種藝術氣息。
本來沒有抱著任何期望，畢竟有唔少咖啡店係環境比食物好，可能因爲呢個原因，反而有一份驚喜。
《Iced Matcha Latte $60》
採用京都抹茶，漸層效果做得好靚。想講好多地方都有Matcha Latte，不過沖得好的卻少之又少，一係太Milky唔夠抹茶味，一係就飲到太多溶唔到的抹茶粉，當然價錢仲要係唔平啦。
呢度的Matcha Latte我係幾有驚喜，除左係甜左些少之外，奶味夠香滑，茶味濃郁而不苦澀，飲唔到唔均勻的抹茶粉，整體質素可以講係中上級數。
《Iced Latte $42》
揀左偏Fruity的咖啡豆，飲到咖啡味，不過鮮奶為更爲突出，下次黎會想試試熱啡。
《Carbonara $88》
對於我呢個Pastaholic黎講，Carbonara係我其中一款頗喜歡的口味。雖然好多餐廳都有得食，不過質素可以好參差。說實話我係有啲估唔到幾好食haha 第一啖充滿酒香，應該有用白酒調配(?)，緊接著微酸微甜的芝士香氣，但呢度唔係好重蛋香味嗰種Carbonara；亦用上較厚身的煙肉，個人覺得煙肉香味可以再突出啲，但整體味道濃郁，意粉較硬身，係我中意的口感。
《Earl Grey Cheesecake $50》
其實好想試抹茶味，但我已經叫左Matcha Latte，所以想試下其他茶味。
清淡的伯爵味同酸酸甜甜的芝士味好夾，幾中意伯爵的清新感，唔會過於濃或澀。Cheesecake質感實淨得黎又幾Creamy，兩個人Share食唔會太膩。
Post
