隆濤院 (Closed)

今日為左陪個外國朋友食晚飯，感冒都吾理，去左海利公館隆濤院食飯，聽說是六星級厨師推介！間餐廳位置好難搵，地址寫喺hullett house地下，但原來要上兩層先去到hullett house，間酒店都好大，好似迷宮咁，又吾多員工，不過。。好在不負衆人所望，呢間中餐果然好好食，朋友推介片皮鴨，配料足又多皮供應，平時大酒樓都係比10片8片皮同少量青瓜白葱，但呢度一籠有成20片皮，青瓜同葱多到食唔晒,抵！我鍾意食佢地個陳醋雞鎚,味道調得好正，酸酸哋甜甜哋，好開胃。甜品有3款糖水選擇:红豆沙，楊枝甘露或蕃薯糖水。最後不得不讚佢地 service 真係very good，thanks 員工 Sarah & Winson 照顧我，見我有啲唔舒服，又幫我開窗抖氣又沖熱水比我！仲有佢地經理 Micheal 悉心為我地寫菜單同講解每個餸有幾特色，令我病住都想食，今時今日咁既服務態度真係少之又少。。anyway, 今晚病住都食得好開心，極力推介大家黎試下呢間中餐廳！