摩豆 (Closed)

今日放工後，約咗女朋友去旺角金魚街睇金魚。行到花園街就比一間鋪頭傳出黎嘅香味刺激到我嘅嗅覺，搵咗一陣就比我搵到間鋪頭，原來間鋪頭係賣雞蛋仔同格仔餅嘅。我見現場有好多人都買左喺度等開飯，我就二話不説即刻發揮大胃王嘅本色，走去買返個食下先，見到個餐牌都有好多不同味道嘅雞蛋仔同格仔餅，真係花多眼亂。所以最後我就決定叫左一個芝士味雞蛋仔，見到職員整果時落配料，佢好似唔洗錢咁落勁多比我，估唔到呢家重有呢 D 鋪頭存在，咁有良心咁足料，因為外間有啲店舖只會落少少配料俾你。呢間雞蛋仔，我下次一定會返食，試埋其他味道。