Lilium

Open Now

Now Closed

我以為自己食過位於海光街嘅所有餐廳，但今日俾我喺海光苑附近搵到間隱世餐廳，餐廳門口喺小巷入面。從門面嚟睇，餐廳裝潢以墨綠色為主，而且設有戶外吧枱座位，令我以為Lilium係西餐廳，一望餐牌先知道係台灣餐廳🤣- 紅燒牛肉牛丸麵份量幾多，牛丸爽口彈牙，牛肉肉質軟稔，每一件都厚切。麵條口感滑溜，湯頭味道濃郁但唔會好油膩。- 生煎包生煎包非常迷你，外皮煎得幾乾身，一咬肉汁即流出嚟😋- 蜂蜜柚子綠茶味道唔會太甜，出面夏日熱辣辣，飲完呢杯蜂蜜柚子綠茶之後成個人非常清爽。總結而言，價錢以台灣菜嚟講唔算平，不過牛肉麵同生煎包都好食，環境亦幾舒適。