Video
Read full review
2008-09-13
13 views
10 Sept. 2008晚上有要事到西灣河文娛中心，就決定同家人到板長碰運氣。可能因為時間尚早，竟然唔係好使等位! 一如以往，坐低之後又係唔知叫乜好，而因為唔係好食魚生 ge 老媽子在場，所以唔係叫左好多魚生，反而叫左唔少老媽子情有獨鐘的蟹棒 (i.e. >一打!!) 同埋小弟最喜歡的三文魚腩。板長出名好食 ge 各類甲殼類物種 ge 壽司/刺身，則淨係叫了少許。三文魚腩壽司一如意料中 ge 好食 (見圖)，食落亦都算新鮮，同銅鑼灣板前 / 尖沙咀板長無甚分別。老媽子的蟹棒壽司亦都不錯，只係賣相方面唔係太到位，因為上面 ge 沙律醬實在十分之有 "凌亂美"。蒸蛋方面，今次 ge 質數亦算不錯，亦非常多料，只係小弟又一次遺忘左板前一脈 ge 蒸蛋上面都有一 "pat" 小弟唔係太喜歡 ge... "汁 (?)"... 而其他壽司亦係平平無奇，大部分都係意料中 ge 新鮮，亦只係意料中 ge 好食。值得一提 ge 係店入面 ge 員工大部分都應該係新手，雖然努力搭救，但係漏單是必然的。是次 ge "受害者" 係小弟 ge 蒸蛋，要自己再度落單先終於有得食。而小弟指明要係壽司入面
晚上有要事到西灣河文娛中心，就決定同家人到板長碰運氣。可能因為時間尚早，竟然唔係好使等位! 一如以往，坐低之後又係唔知叫乜好，而因為唔係好食魚生 ge 老媽子在場，所以唔係叫左好多魚生，反而叫左唔少老媽子情有獨鐘的蟹棒 (i.e. >一打!!) 同埋小弟最喜歡的三文魚腩。板長出名好食 ge 各類甲殼類物種 ge 壽司/刺身，則淨係叫了少許。
三文魚腩壽司一如意料中 ge 好食 (見圖)，食落亦都算新鮮，同銅鑼灣板前 / 尖沙咀板長無甚分別。老媽子的蟹棒壽司亦都不錯，只係賣相方面唔係太到位，因為上面 ge 沙律醬實在十分之有 "凌亂美"。
蒸蛋方面，今次 ge 質數亦算不錯，亦非常多料，只係小弟又一次遺忘左板前一脈 ge 蒸蛋上面都有一 "pat" 小弟唔係太喜歡 ge... "汁 (?)"... 而其他壽司亦係平平無奇，大部分都係意料中 ge 新鮮，亦只係意料中 ge 好食。
值得一提 ge 係店入面 ge 員工大部分都應該係新手，雖然努力搭救，但係漏單是必然的。是次 ge "受害者" 係小弟 ge 蒸蛋，要自己再度落單先終於有得食。而小弟指明要係
壽司入面有 ge wasabi，則要到第四次落單黎ge壽司先終於出現。
所以，是次板長 ge 質數只係意料中的美味，但係無甚驚喜。
Post
