翠苑餐廳

Open Now

Now Closed

今日嚟石硤尾呢邊搵朋友，順便一齊食餐飯，而佢就帶咗我嚟呢度，一開始冇太高期望，點知食物都唔錯喎。環境方面，餐廳大，座位好多，雖然係茶記但唔會好逼夾，卡位好多坐得舒服。同朋友嗌左幾個小菜食。呢度嘅小菜，同埋煲仔餸都會奉送一碗白飯、例湯。例湯方面，原本以為送得嘅都會普普通通，點知好大碗之餘，仲要好足料，好大舊豬骨！真係有肉唔係得骨頭，飲落都唔會係加咗味精嘅感覺，值得讚👍🏻《椒鹽豬扒》$80豬扒炸得酥脆，好香。份量都幾多，食落啖啖肉，而且唔會乾。《西蘭花炒花枝》$90花枝嘅份量好多，抵食。柔軟得黎保留到些小爽口嘅感覺，口感唔錯。《重慶麻辣雞煲》$90估唔到喺呢度食到嘅雞煲都咁有水準，炒得好香，放足辣椒同洋蔥片，但食落又唔會好辣好辛苦，味道剛剛好。《焗葡國雞飯》$62餸同飯原來係分開嘅。呢個葡國雞就正正常常，略嫌椰香味弱左小小，勝在同樣都係份量多，抵食。 總括嚟講，估唔到屋村樓下嘅餐廳都幾有質素，下次有機會嘅話一定會再食。