海港酒家

Open Now

Now Closed

星期六去開太子，順便去附近既酒樓飲下午茶。點幾去到好多人等位，大約要等2 30張台。我地決定先去附近行一陣再返黎。再返去已經三點幾，完全冇人等位，酒樓同我地講四點last order。由於都唔係太餓，我地叫左6碟點心。點心好快到，但係味道真係麻麻。蝦春捲上面淋左d泰式辣醬，味道唔係好夾。鮮蝦菜苗餃入面差唔多得菜，蝦得好少。牛肉燒賣好勁芫茜味，而且有好多肥肉同軟骨，食左一啖已經放棄左。炒米粉好多西芹，有少少火腿碎，但系冇蘿蔔絲，味道比較淡。流沙煎堆算比較好，入面係奶黃餡，皮較厚。原本以為最唔會出錯既燒腩仔，燒得太噥，太咸，冇左燒腩既香味。三點九酒樓已經催我地埋單，好彩已經食得七七八八，食完即走，應該冇下次。