牛霸小麵店 (Closed)

經過灣仔，無意見到條巷仔入面有間餐廳。好似深夜食堂咁嘅樣。但入面就好光猛，好清新嘅感覺。作為一間台式餐廳一幅咁翠綠清新嘅牆，好乎合台灣風格。佢主打食牛肉面，所以叫牛霸。好多款式，而且佢可以用電話落單，可以好個體化咁落單，野飲多奶，少冰，加椰果⋯⋯個麵咩湯底，少麵⋯⋯先嚟一個小食木魚炸豆腐，外面香脆，內心嫩滑台式咖啡☕️同台灣cafe 飲到嘅似到十足。古祖味冬瓜茶，加椰果，非常配合，大大陣古祖嘅味道，純正冬瓜茶，加椰果更加係加倍好味。主角牛肉拌麵，好多塊牛肉，麵嘅質地非常出色。彈牙又好味。紅燒牛肉麵，無得頂，個湯頭濃郁可口，味道令牛肉同麵互相輝映。魚酥皮蛋豆腐，大大碟，皮蛋有足成個咁蛋。味道又夠唔會好淡。最後係一個bug秘製牛筋，只賣35，但一碗好滿。等於粉麵舖淨牛筋，但平過一碗麵，非常良心，非常bug。