The Vigor (水渠道) (Closed)

行完花園街，又係買外賣返屋企歎。依間門面好有格調，似高級西餐廳。但價錢睇落唔貴，一於試試。係條街咁熱都唔想諗，一於要個二人餐，$168。要嘅食物唔係依個餐包嘅補番差價就得。自選兩份：炸雞脾、單骨雞翼。炸雞脾大大件，香口唔油膩，好惹味。單骨雞翼一樣，得一邊骨食得方便。自選意粉：鮮茄露筍炒意粉。水準超得，煮嘅時間剛好，意粉軟硬適中，蕃茄嘅甘甜同酸味吸附係麵上，好入味好香。配料足，仲保留到juicy感覺。而且份量好多，夠二人吃。自選小食兩款：白汁芝士焗西蘭花，炸香酥雞白汁芝士焗西蘭花，份量唔多，但夠食。白汁其實流晒去底部，味道剛好，唔會好濃味。炸香酥雞，香口微辣，一口一粒食唔停口。加$24要埋兩支冷泡菜：白桃烏龍，微甜有桃香。高山翠綠，帶點苦澀的茶香。補埋差價總共$206。意粉太多仲可以留番第二日食👍。