小茶角 (濕地公園路)

Open Now

Now Closed

跟餐餐湯：（西蘭花湯）冇西蘭花味，口感加味道似菜乾粥，鹹鹹地嘅味道沙律：最好食😂有啲醋伴住係幾開胃(午市套餐) 牛魔王 配薯角有啲失望，塊牛好老+鞋，蕃茄極薄，成個包唯一水份都冇咗，所以個包係好乾。重點個牛角包完全唔酥脆，好差…已經係堂食應該新鮮熱辣，隔籬嗰間Bakery牛角包放隔夜食都仲好酥脆…薯角炸得唔夠，完全唔脆。(午市套餐) 黑松露帶子意粉普通，粒帶子縮水，兩粒開半，咪睇以為好多。食嘅時候一定要撈勻，一開始食覺得冇乜黑松露味，撈勻都OK。另外，都幾多雞髀菇喺裏面，增加口感👌🏻餐飲+$5 芝士奶蓋桂花烏龍唔係平時飲開嘅奶蓋甜甜鹹鹹，好甜嘅我都覺得呢間嘅奶蓋係甜到喉嚨痛，唔可以就咁飲奶蓋，撈返落茶到就啱啱好嘅。+$17 草莓奶昔食晒先來，原來係唔記得比。飲落去已經變水溶晒。後來換一杯，正常口感，但唔夠結身，唔算好甜，冇乜士多啤梨味/奶味，似草莓沙冰，原價$47呢個價錢，咁嘅質素唔掂。