熊小館 (Closed)

個餐廳個裝修好別緻，充滿住大大小小既熊仔，無論係望住，影相，玩熊，都可以，令我想起好耐之前小熊國，係我兒時既難忘回憶。如果我有細路，就可能帶佢黎依度望下啲熊仔，都幾開心。同人一齊食，我喊左個明太子燴意粉。因為本身飯量唔算大，所以想喊啲較輕盈既野食，再加上對意粉會加上明太子有少少期待，就點左依樣。意粉本身冇好大特別，基本既柔軟同彈性都做到既，醬汁係意大利芝士汁，很creamy，芝士味都幾有，同明太子混和來食，令到本來清甜的醬汁變得惹味。而且佢既明太子都唔少，個種鮮味同少少辣味都出到，還可以稍稍咬到鱈魚子。主角既帶子就好大粒同埋柔軟帶纖維的彈性，味道很鮮味好味。總括來講，都幾鍾意依個意大利粉