California Pizza Kitchen (屯門市廣場1期)

Open Now

Now Closed

2-3人套餐叫左牛油果粟米片，蒜香忌廉闊麵，五色芝士蕃茄pizza。另外加左個粟米比小朋友食。粟米片就大路野，夠脆，不過牛油果醬帶少少辣味都幾開胃，不過牛油果味淡左少少，如果濃d就好。闊麵個汁creamy，非常唔錯，至少火好食過塊puzza,，味香夠濃，一開盒就攻出黎。粟米都好食，加塊青檸味道幾特別。最失望係個五色芝士pizza。芝士味比較少，而且個餅底好實好難咬，好似食d擺到硬左嘅麵包咁，我三十幾歲棚牙都覺得難咬，小朋友老人家更加加上味道較淡，每一啖都扣緊分。原來要打二百字先可以評分？咁講多兩句，今次係叫外賣，速度唔錯，由order到收到都係30分鐘。唔知係唔係咁所以味道就差d，希望下次有機會堂食試下。