黑布小巷 (黑布街) (Closed)

呢間想試好耐啦，但比較遠，原來有外賣平台咁遠都送，就試下先。 佢係台式餐廳，但又有意粉食wor, 叫左2個意粉，炸蝦餅，台式腸。 雖然係誇區，但唔算等好耐，同平時同區差不多。意粉好大兜，黎到仲熱辣辣，翠玉瓜意粉好香蒜味，見到係用蒜蓉而唔係蒜粉去炒，好惹味。 我以為虎蝦係會更大隻，佢係比較普通size既蝦，都幾多隻，肉質幾爽口又唔腥，不過有1,2隻有腸，食到有沙。個蕃茄意粉我就唔太like, 覺得佢太酸左d, 不過老公覺得好食，辣肉腸都幾辣下。 兩個意粉都煮得啱啱好，彈牙既，唔會淋滋滋咁。 炸蝦餅送到黎已經淋左，味道ok既，但就薄左d, 口感差d台式腸好細條，而且得1條，個皮燒得好焦香，但性格比好低。