Cafe de Tiffany (Closed)

係聯和墟見到Cafe de Tiffany 人唔多，就入左去試下。餐廳門口有座位方便吸煙或者攜帶左寵物既食客， 裹面裝修都係行工業風，雖然唔係好新，但坐得舒服。見裹面既人多數叫鐵板餐，所以就叫左個紐西蘭肉眼鐵板餐，同牛魔王忌廉意粉。餐湯同餐包最先送到，跟住就凍檸水同熱朱古力。 睇menu 見佢話黑糖包，幾好味又soft, 但就冇某大集團餐廳既黑糖包咁黑。 個白湯就居然有豆腐做配料； 紅湯正常；杯熱朱就好濃，岩晒我！等左陣就上意粉同牛扒，waiter 重好好人幫我淋左汁先再上。首先個牛扒，我揀左5成熟，黑椒汁再加蒜，鐵板配菜有薯條，栗米粒，同洋蔥。 鐵板餐味道正正常常，係比較大塊。 反而個意粉對我黎講比較驚豔，幾彈牙同有掛汁既效果，好味同都幾大碟下。好似好多人都係叫外賣，所以冇人等位既情況下，我地可以傾計傾耐d。到最後重有甜品雪米糍添！飽！ 整體個份量都大，一個女仔應該食唔晒一個餐