Video
Read full review
2008-06-29
14 views
昨日4人去咗荃灣廣場間POKKA CAFE晚飯, 今次TARGET係食夠二百蚊, 就儲夠8個印仔可以做會員, 咁跟住一年去食都有85折.本身我儲印仔嗰張優惠卡已經享用三個月臨時85折, 並送一杯"士多啤梨新地併迷你芝士蛋糕" - 幾好味, 我好鐘意食新地裡面脆卜卜, 大大粒o既甜合桃, 杯內有一件好細o既cheese cake, 芝士味濃郁, 可惜size好細, 每人食得一啖."蟹肉蕃茄海鮮意粉"令我一試難忘... 配料有蟹肉, 青口, 魚肉, 大大隻蝦 , 墨魚, 帶子, 鮮蕃茄肉, 紅黃燈籠椒, 伴意粉o既汁做得好出色, 香濃惹味."滑蛋吉列豬扒飯定食", 一湯碗飯同一小個魚生沙律同一小碗豉湯, 只屬一般, 收$83太貴."小食併盤" - 有炸薯角, 炸洋蔥圏(點TAR TAR汁), 煎迷你漢堡扒, 檸檬雞膇, 烤豬肋骨. 漢堡扒好正, 好JUICY, 其他小食都ok, 唔錯."醬爆大蒜雞球" - 好奇怪, 上桌時發現賣相同MENU上的根本係兩個樣, 我又食浯到大蒜香, 只係有d燒汁浸住(如圖). 我記得之前喺旺角雅籣間POKKA食過, 個樣係同MENU裡一樣的, D雞球同D大蒜
本身我儲印仔嗰張優惠卡已經享用三個月臨時85折, 並送一杯"士多啤梨新地併迷你芝士蛋糕" - 幾好味, 我好鐘意食新地裡面脆卜卜, 大大粒o既甜合桃, 杯內有一件好細o既cheese cake, 芝士味濃郁, 可惜size好細, 每人食得一啖.
"蟹肉蕃茄海鮮意粉"令我一試難忘... 配料有蟹肉, 青口, 魚肉, 大大隻蝦 , 墨魚, 帶子, 鮮蕃茄肉, 紅黃燈籠椒, 伴意粉o既汁做得好出色, 香濃惹味.
"滑蛋吉列豬扒飯定食", 一湯碗飯同一小個魚生沙律同一小碗豉湯, 只屬一般, 收$83太貴.
"小食併盤" - 有炸薯角, 炸洋蔥圏(點TAR TAR汁), 煎迷你漢堡扒, 檸檬雞膇, 烤豬肋骨. 漢堡扒好正, 好JUICY, 其他小食都ok, 唔錯.
"醬爆大蒜雞球" - 好奇怪, 上桌時發現賣相同MENU上的根本係兩個樣, 我又食浯到大蒜香, 只係有d燒汁浸住(如圖). 我記得之前喺旺角雅籣間POKKA食過, 個樣係同MENU裡一樣的, D雞球同D大蒜係炒到係乾身, 只有少少紅色o既汁黏著表面... 有個叫Mandy o既個經理話叫廚房做過俾我哋, 不過我話唔需要啦, 其實碟雞唔難食, 只係我覺得貨不對辦啫...
"沖繩黑之糖咖啡新地" - 佢有咖啡同黑糖兩種啫喱, 加一球雲厘拿雪糕同有D果仁碎, 好好味呀!! 下次我會再叫呢個甜品!
荃灣區三間POKKA我都試過, 昨日係我第3去荃灣廣場新開呢一間食, 覺得佢D嘢整得最好味, 環境都係最好的. 但POKKA o既烏東同拉麵好貴, 但味道唔郤及不上味千拉麵, 意粉, 焗飯同甜品係最值得推介的.
Post
