The Vigor (水渠道) (Closed)

今日去咗太子行金魚街,原來太子有好多嘢行,又可以行去女人街,行咗一陣開始搵嘢食,見到一間即叫即做嘅外賣西餐,性價比好高,而且食物都幾吸引即刻試下，門口仲要好多人排隊，所以我對呢間舖頭非常有信心，果然冇令我失望，會再返轉頭買外賣嘅餐廳The Vigor. 喺門口餐牌見到主打係食意粉,而且仲好多人等緊外賣。一睇就知係附近的街坊。叫咗個二人餐$168，非常抵食 香酥炸雞,炸雞熱辣辣,味道好香,入口外脆內熱,非常惹味, 佢啲調味控制得啱啱好,好好味。芝士年糕 ，有三件芝士年糕口感煙煙靭靭,芝士味好香濃,自己比較鍾食芝士,熱辣辣嘅芝士入口特別香。司華力腸片,份量都好多,加咗少少芝麻,令到司華力腸多咗一份香味。炸雞髀,雞髀好大隻,好似我塊面咁大,而且炸到雞皮金黃色,炸到咁香口食落去雞肉仲保留到肉汁,雞肉仲要係好嫩滑多汁,呢個炸雞髀真係冇得頂,非常惹味。黑松露鮮蝦帶子炒意粉 ,黑松露味道好香,差唔多每條意粉都沾上黑松露,蝦肉仲係好新鮮,蝦肉爽口彈牙,黑松露同蝦嘅味道配搭得啱啱好,完全將鮮味提升,意粉都煮得啱啱好,唔會太林,軟硬度適中。炒香咗嘅意粉真係惹味