Primo (Closed)

近銅鑼灣有一間隱蔽嘅餐廳 見到有好多外國人都喺入邊食嘢 反而少啲香港人幫襯 所以就入咗去試吓啦！呢間餐廳嘅格局好有外國嘅感覺 餐牌上嘅選擇好多 有啲甚至係其他餐廳會食唔到嘅 我最欣賞呢度嘅Pizza同埋意粉都可以自己揀 揀上面嘅配料或者醬汁 呢一個卡邦尼海鮮闊條麵 真係食過返尋味 醬汁好重味 好creamy 啲海鮮除咗有蝦之外 仲有帶子 啲帶子全部都好厚好大粒 Pizza方面 我哋就點左煙三文魚火箭菜 個餅底唔會好薄好厚 厚度適中 芝士味好足 啲煙三文魚係會熟晒嗰種甜薯條真係好高質 仲有兩款醬配嚟食 甜薯條炸完之後都會好軟林林 係我最鍾意食嘅口感